Health Insurance मध्ये वयोमर्यादा हटवली, आता 65 वर्षांवरील लोकही खरेदी करू शकतील पॉलिसी, जाणून घ्या नवीन नियम

Health Insurance : आता कोणत्याही वयाची व्यक्ती नवीन आरोग्य विमा पॉलिसी घेऊ शकते.

नवी दिल्ली : आता तुम्ही तुमच्या वृद्ध पालकांसाठीही आरोग्य विमा (Health Insurance) सहज खरेदी करू शकता. विमा नियामक इरडाने (IRDAI) आरोग्य विमा खरेदीसाठी वयाची अट (Age Bar) हटवली आहे.

हे 1 एप्रिल 2024 पासून लागू होणाऱ्या आरोग्य विमा पॉलिसींसाठी करण्यात आले आहे. याआधी ग्राहक केवळ 65 वर्षे वयापर्यंत नवीन आरोग्य विमा पॉलिसी घेऊ शकत होते. आता कोणत्याही वयाची व्यक्ती नवीन आरोग्य विमा पॉलिसी घेऊ शकते.

IRDAI ने एका परिपत्रकात म्हटले आहे की, विमा कंपन्यांनी हे सुनिश्चित केले पाहिजे की त्यांच्याकडे सर्व वयोगटातील लोकांसाठी विमा उत्पादने आहेत. IRDAI च्या या निर्णयाचा उद्देश भारतात अधिक समावेशक आरोग्य सेवा प्रणाली तयार करणे आहे.

विमा कंपन्यांना त्यांच्या उत्पादनांच्या श्रेणीमध्ये विविधता आणण्यासाठी प्रोत्साहित करणे आहे. विमा नियामकाने आरोग्य विमा पुरवठादारांना ज्येष्ठ नागरिकांसारख्या लोकांसाठी पॉलिसी तयार करण्याचे आणि त्यांचे दावे आणि तक्रारी हाताळण्यासाठी समर्पित चॅनेल तयार करण्याचे निर्देश दिले आहेत.

IRDAI च्या निर्णयामुळे आता 65 वर्षांपेक्षा जास्त वयाचे लोक देखील नवीन आरोग्य विमा पॉलिसी घेऊ शकतील. या निर्णयाचे उद्योग क्षेत्रातील तज्ज्ञांनी स्वागत केले आहे.

कर्करोग, हृदय आणि एड्ससारख्या गंभीर आजारांनी ग्रस्त असलेल्या रुग्णांना पॉलिसी देण्यास नकार देण्यासही विमा कंपन्यांना या परिपत्रकात प्रतिबंधित करण्यात आले आहे. परिपत्रकानुसार, IRDAI ने आरोग्य विमा प्रतीक्षा कालावधी देखील कमी केला आहे.

हा 48 महिन्यांऐवजी 36 महिने करण्यात आला आहे. IRDAI चे म्हणणे आहे की, पॉलिसी धारकाने पॉलिसी घेताना खुलासा केला आहे की नाही याची पर्वा न करता, आधीपासून अस्तित्वात असलेल्या सर्व अटी 36 महिन्यांनंतर कव्हर केल्या पाहिजेत.