TATA च्या कंपनीने कमालच केली! ५९ ₹चा शेअर गेला ८,४०० वर; १ लाखाचे झाले १.४२ कोटी

TATA च्या या कंपनीमुळे गुंतवणूकदार पुन्हा एकदा मालामाल झाले आहेत. तुम्ही घेतलेत का या कंपनीचे शेअर्स?

TATA ग्रुप आताच्या घडीला अनेक क्षेत्रात दमदार कामगिरी करत आहे. शेअर मार्केटमध्येही टाटाच्या विविध कंपन्या रेकॉर्ड ब्रेक कामगिरी करत असल्याचे पाहायला मिळत आहे. यामुळे गुंतवणूकदार मालामाल होत आहेत. गुंतवणूकदारांचा टाटावरील विश्वास वाढत चालला आहे.

TATA ग्रुपच्या एका कंपनीच्या शेअरने आता रॉकेट स्पीड पकडला असून, गुंतवणूकदारांना प्रचंड परतावा दिला आहे. टाटा समूहातील या कंपनीचे नाव आहे टाटा एलेक्सी. (Tata Elxsi) या कंपनीने अलीकडेच तिमाहीचे निकाल जाहीर केले आहेत.

वार्षिक आधारावर, Tata Elxsi चा महसूल ३१.५ टक्क्यांनी वाढून ६८१.७ कोटी रुपये झाला आहे. कंपनीचे ऑपरेटिंग मार्जिन ३२.५ टक्के राहिले. कंपनीचा सर्वांत मोठा विभाग, एम्बेडेड प्रॉडक्ट डिझाइन तिमाही आधारावर ७.५ टक्क्यांनी वाढला.

औद्योगिक डिझाइन आणि व्हिज्युअलायझेशन विभाग मागील तिमाहीच्या तुलनेत ८ टक्क्यांनी वाढला आहे. टाटा अलेक्सीच्या समभागांनी एका वर्षात १५७ टक्क्यांहून अधिक परतावा दिला आहे. ५ एप्रिल १९९६ रोजी Tata Elxsi चे शेअर्स १०.६३ रुपयांच्या पातळीवर होते.

Tata Elxsi चा स्टॉक ८ मे २००९ रोजी BSE वर शेअर ५९.२० रुपये प्रति शेअर होता. २० मे २०२२ रोजी या समभागांनी मुंबई शेअर बाजारात ८,४०८.५५ रुपयांची पातळी गाठली. या कालावधीत कंपनीच्या शेअर्सनी सुमारे १४१०२.७% परतावा दिला आहे. तर, गेल्या पाच वर्षांत १,१३७.१९% परतावा दिला आहे.

Tata Elxsi च्या शेअर किंमत चार्ट पॅटर्ननुसार, जर एखाद्या गुंतवणूकदाराने १३ वर्षांपूर्वी या शेअरमध्ये ५९.२० प्रति शेअर दराने एक लाख रुपये गुंतवले असते आणि आजपर्यंत त्याची गुंतवणूक कायम ठेवली असती, तर आज ही रक्कम १.४२ कोटींपर्यंत वाढली असती, असे सांगितले जात आहे.

दुसरीकडे, पाच वर्षांपूर्वी जर एखाद्याने या शेअरमध्ये १ लाख रुपये गुंतवले असते, तर आज त्याला १२.३७ लाख रुपयांचा फायदा झाला असता. दुसरीकडे, गेल्या एका वर्षात, या स्टॉकने १ लाख रुपयांच्या गुंतवणुकीसाठी २.३५ लाख रुपये कमावले असतील.

Tata Elxsi ही वाहतूक, माध्यम, दळणवळण आणि आरोग्यनिगा तसेच वैद्यकीय उपकरणे यांसारख्या विविध क्षेत्रात आरेखन नेतृत्वाखालील तंत्रज्ञान सेवांमध्ये गुंतलेली आघाडीची तंत्रज्ञान कंपनी आहे.

शेअर बाजारात पैसे गुंतवून गुंतवणूकदारही करोडपती होऊ शकतात. तुमच्यात संयमाचा गुण असला पाहिजे.