अज्ञात वाहनाची धडक, कसिनोत काम करणारा युवक जागीच ठार

भानेगाववरून तो खासगी कामानिमित्त हिंगणघाटला गेला होता. तेथून तो आपली बजाज पल्सर गाडी क्रमांक एम. एच. ४०, ए. डी-९३१६ ने नागपूरकडे येत होता.

नागपूर : भरधाव कारने धडक दिल्यामुळे गोवा येथे कसिनोत काम करणारा एक २५ वर्षाचा युवक जागीच ठार झाला. ही घटना बेलतरोडी पोलिस ठाण्याच्या हद्दीत बुधवारी २७ मार्चला रात्री १०.१५ वाजताच्या सुमारास घडली. मनिषकुमार लवकुमार भोंडेकर (२५, रा. न्यु शिक्षक कॉलनी, भानेगाव ता. सावनेर) असे या अपघातातमृत्यू झालेल्या युवकाचे नाव आहे. तो गोवा येथे कसिनोत काम करीत होता. तो मुळचा भानेगाव येथील रहिवासी आहे. होळीसाठी तो गोव्याहून भानेगावला आला होता. भानेगाववरून तो खासगी कामानिमित्त हिंगणघाटला गेला होता. तेथून तो आपली बजाज पल्सर गाडी क्रमांक एम. एच. ४०, ए. डी-९३१६ ने नागपूरकडे येत होता.

बेलतरोडी पोलिस ठाण्याच्या हद्दीत वर्धा रोडवरील नागपूरकडे येणाºया चिंचभवन पुलावर अज्ञात भरधाव वाहनाने त्याच्या दुचाकीला धडक दिली. यात खाली पडून तो गंभीर जखमी झाला. हेल्मेट घातलेले नसल्याने त्याच्या डोक्याला गंभीर दुखापत झाली. त्याला उपचारासाठी एम्समध्ये दाखल केले असता डॉक्टरांनी तपासून मृत घोषित केले. या प्रकरणी बेलतरोडी ठाण्याचे उपनिरीक्षक सुरज कोल्हे यांनी अज्ञात वाहनचालकाविरुद्ध कलम २७९, ३३७, ३३८, ३०४ (अ) नुसार गुन्हा दाखल करून तपास सुरु केला आहे.