भायखळा, धारावी परिसरातून 63 लाखांची रक्कम जप्त 

आयकर विभागास पुढील कार्यवाहीसाठी कळविण्यात आले आहे.

ठळक मुद्देभायखळा भागात 58 लाख 58 हजार 15 रुपये इतकी संशयित रक्कम पकडली. धारावी भागात आज सकाळी 4 लाख 51 हजार 740 रुपये अशी एकूण  63 लाख 9 हजार 755 संशयास्पद रक्कम आढळून आली.

मुंबई - भायखळा भागात काल सायंकाळी निवडणूक आयोगाच्या स्थिर तपासणी पथकाद्वारे 58 लाख 58 हजार 15 रुपये इतकी संशयित रक्कम पकडली. तर धारावी भागात आज सकाळी 4 लाख 51 हजार 740 रुपये अशी एकूण  63 लाख 9 हजार 755 संशयास्पद रक्कम आढळून आली.

भायखळा विधानसभा मतदार संघात के.के.टॉवरच्या समोर, के.के.रोड, भायखळा (पश्चिम) येथे काल सायंकाळी मोटार क्र.MH.-46, BF-9849 पांढऱ्या रंगाची बोलेरो वाहनाची निवडणूक आयोगाच्या स्थिर तपासणी पथकाद्वारे तपासणी केली असता 58 लाख 58 हजार 15 रुपये इतकी संशयित रक्कम आढळून आली. ही रक्कम आग्रीपाडा पोलीस स्टेशन येथे जमा केली असून आयकर विभागास पुढील कार्यवाहीसाठी कळविण्यात आले आहे. अशी माहिती 184-भायखळा मतदार संघाचे निवडणूक निर्णय अधिकारी दिपक क्षीरसागर यांनी दिली आहे.

तसेच आज सायन जंक्शनकडून एलबीएस रोडने कुर्ल्याच्या दिशेने जाणारे वाहन क्र. MH-001, BK-1961 या होंडा सिटी कार या वाहनाची तपासणी केला असता वाहनामध्ये ही रक्कम आढळून आली. याबाबत धारावी पोलीस स्टेशनमध्ये पोलीस डायरी क्र.25/2019, दिनांक 11/10/2019 अन्वये नोंद घेण्यात आली आहे. अशी माहिती 178-धारावी (अ.जा.) विधानसभा मतदार संघाचे  निवडणूक निर्णय अधिकारी रविंद्र हजारे यांनी दिली आहे.

मुंबई - भायखळा परिसरात 58 लाख रुपये संशयित रक्कम सापडली, निवडणूक आयोगाची कारवाई https://t.co/CbvSFUjpi9

— Lokmat (@MiLOKMAT) October 11, 2019