Motivational Speakers, Videos and Articles | Spiritual and Motivational Speech, Articles and Videos in Marathi | Motivational Gurus Speech in Marathi | Inspirational Speakers

युद्ध कोणाही सामान्य नागरिकाला नकोच असते, मात्र काही विकृत लोकांना शांतता पाहवत नाही, ते कुरापती करतात आणि त्यांची शिक्षा सगळ्यांनाच भोगावी लागते. अलीकडेच पहलगाम येथे झालेल्या दहशतवादी हल्ल्यात अनेक निष्पाप भारतीय बळी गेले. कुटुंबांतली एक व्यक्ति जाणं म्हणजे कुटुंबाची वाताहात होण्यासारखं आहे. दहशतवाद्यांनी मुद्दामून पुरूषांना टार्गेट करून स्त्रीयांचे 'सिंदूर' उजाड केले. म्हणून भारताने प्रत्युत्तर म्हणून ' ऑपरेशन सिंदूर' (Operation Sindoor) चा सपाटा लावला. आज दोन्ही देशात तणावग्रस्त वातावरण आहे. सगळे भारतीय आपल्या योद्ध्यांच्या जीवित रक्षणासाठी प्रार्थना करत आहेत. शत्रूवर मात करून ते सुखरूप परत यावेत असे देवाला साकडे घालत आहेत. आपण नेहमी आपल्या सुखासाठी पदर पसरतो, आज आपल्या सैंनिकांसाठी स्वामी समर्थांना साकडे घालूया. स्वामी सांगतात, 'भिऊ नकोस मी तुझ्या पाठीशी आहे!' एवढा मोठा दिलासा असताना डगमगण्याची गरज नाही. त्यासाठी ही पुढील प्रार्थना मनोभावे करा. कारण, हे केवळ शब्द नाही तर त्यामागील भाव समजून उमजून म्हटले, तर मन स्थिर, शांत होईल. विचार थांबतील आणि पूर्णपणे समर्पण भाव जागृत होईल आणि परिस्थिति नियंत्रणात येईल. सद्गुरू नाथा हात जोडितों अंत नको पाहूउकलुनी मनीचे हितगुज सारे वद कवणा दावू ।।निशीदिनी श्रमसी मम् हितार्थ तू किती तुज शीण देऊहृदयी वससी परी नच दिससी कैसे तुज पाहू ॥उत्तीर्ण नव्हे तुज उपकारा जरी तनु तुज वाहूबोधुनि दाविसी इहपर नश्वर मणी उठला बाऊ ॥कोण कुठील मी कवण कार्य मम जणी कैसा राहूकरी मज ऐसा निर्भय निश्चल सम सकला पाहू ॥अजाण हतबल भ्रमित मनीची तळमळ कशी साहूनिरसुनी माया दावी अनुभव प्रचीती नको पाहू ॥स्वामी कृपा प्राप्त होण्यासाठी आपण आपली योग्यता वाढवली पाहिजे. गरिबाला मदत करणे, मोठ्यांचा मान राखणे, सेवा करणे, लहानग्यांना समजून घेणे, रागावर नियंत्रण ठेवणे, सर्वांशी मैत्रीपूर्ण संबंध निर्माण करणे, मुख्य म्हणजे माणुसकी जपणे. या गोष्टी जे लोक करतात ते स्वामींच्या कृपेस पात्र होतात. 'जो आवडतो सर्वांना तोचि आवडे देवाला' हे गुपित कायम लक्षात ठेवा. कोणी कसेही वागले तरी आपण प्रामाणिकपणे वागत असू तर आपल्या कृतीवर स्वामी लक्ष ठेवून आहेत, आपले कार्य त्यांना समर्पित करून देवकार्य करणे हेच अपेक्षित आहे. जो ही सूत्री सांभाळतो, भगवंत त्याचे रक्षण करतो. त्यामुळे संकटकाळात उदास न होता, मनोभावे स्वामींना या प्रार्थनेतून आर्त साद घाला, स्वामी निश्चित मदत करतील!श्री स्वामी समर्थ!

Lokmat Bhakti (Marathi News)

Tarot Card: टॅरो कार्डनुसार दिलेल्या कार्डपैकी एक कार्ड निवडून तुम्ही तुमचे साप्ताहिक भविष्य जाणून घेऊ शकता. ...

आगामी काळात जुळून येत असलेल्या ग्रहयोगांचा कोणत्या राशींवर कसा प्रभाव असू शकेल? जाणून घ्या... ...