Dream 11 आणि My11Circle वरुन कमाई केल्यास किती लागेल टॅक्स?
फँटसी स्पोर्ट्स प्लॅटफॉर्मवर खेळून अनेकजण कमाई करतात. पण त्यावर किती कर लागतो हे अनेकांना माहीत नसतं.
आयपीएलचा नवा सीझन सुरू झाला आहे. अशातच जे लोक गेममध्ये पैसे लावून कमाई करतात त्यांच्यासाठी महत्त्वाची बातमी आहे.
अनेक जण Dream11 आणि My11Circle सारख्या फँटसी स्पोर्ट्स प्लॅटफॉर्मवर खेळून कमाई करतात. अशातच त्यांच्या कमाईवर किती टॅक्स लागू शकतो हे जाणून घेणं महत्त्वाचं आहे.
आयकर कायदा १९६१ च्या कलम १९४ बी नुसार लॉटरी, गेम शो, पझल्स आणि अन्य स्पर्धांमधून जिकलेल्या रकमेवर ३० टक्क्यानुसार टीडीएस लागू होतो.
जर तुम्ही जिंकलेली एकूण रक्कम १० हजार किंवा अधिक असेल तर ३०% टीडीएस कापला जाईल. १० हजार किंवा त्यापेक्षा कमी रकमेवर टीडीएस कापला जाणार नाही. परंतु हे उत्पन्न तुमच्या एकूण उत्पन्नात जोडून स्लॅबनुसार कर आकारला जाईल.
जिंकलेली रक्कम आयकर रिटर्नमध्ये दाखवणं आवश्यक आहे. जर ते तुमचं वेतन किंवा पेन्शनच्या शिवाय असेल आणि तुम्ही लॉटरी किंवा गेमिंग प्लॅटफॉर्मच्या माध्यमातून ही कमाई केली असेल तर तुम्हाला ITR-2 फॉर्म भरावा लागेल.
जर तुम्ही यावर कर भरला नाही तर तुम्हाला यावर दंड किंवा अन्य कारवाईला सामोरं जावं लागू शकतं. यासाठी नियमांचं पालन करणं आवश्यक आहे.