Tap to Read ➤
अहोरात्र चतुर्थी: बाप्पाला अर्पण करा ‘या’ ५ गोष्टी; येईल सुख-समृद्धी
चतुर्थी आणि मंगळवारी केलेले गणपती पूजन विशेष शुभ फलदायी मानले जाते.
कोणत्याही शुभ कार्याची सुरुवात विघ्नहर्ता, प्रथमेश असलेल्या गणपती बाप्पाच्या पूजनाने केली जाते.
बुद्धीची देवता, विघ्नहर्ता, सुखकर्ता, १४ विद्या आणि ६४ कला अधिपती असलेल्या गणेशाचे पूजन कोट्यवधी घरांमध्ये केले जाते.
बाप्पाची शाश्वत भक्ती लाभण्यासाठी गणपती उपासक गणेश व्रते करतात. संकष्ट चतुर्थीचे व्रत सर्वोत्तम मानले गेले आहे.
तसेच आठवड्यातील मंगळवारीही गणपती बाप्पाचे पूजन, नामस्मरण, आराधना, उपवास करणे विशेष मानले गेले आहे.
बाप्पाच्या पूजन, नामस्मरणासह बाप्पाच्या आवडत्या गोष्टी अर्पण केल्यास अपार लाभ मिळू शकतो, अशी मान्यता आहे.
पौष मासातील चतुर्थी अहोरात्र असून, मंगळवारी बाकी काही करता आले नाही तरी ५ गोष्टी बाप्पाला आवर्जून अर्पण कराव्या.
गणपती बाप्पाला जास्वंदाचे फूल अतिशय प्रिय असल्याचे म्हटले जाते. या दिवशी आवर्जून एक लाल फूल गणपतीला वाहावे.
गणेशाला मोदक प्रिय आहेत. अनेक घरांमध्ये मोदकचा नैवेद्य दाखवला जातो. चतुर्थीला मोदकाचा नैवेद्य आवर्जून दाखवावा, असे सांगतात.
गणपती बाप्पाला लाडू विशेष प्रिय आहेत. मोदक करणे शक्य नसल्यास लाडवाचा नैवेद्य गणेशाला दाखवावा, असे सांगितले जाते.
दुर्वा अर्पण करणे शुभ फलदायी मानले गेले आहे. अन्य काहीच नसेल अन् केवळ एक दुर्वा अर्पण केल्यास संपूर्ण पूजेचे पुण्य मिळते.
तर गणेशाची मनोभावे पूजा अर्चा करून 'ॐ सिद्धिविनायकाय नम:' किंवा ‘ॐ गं गणपतये नम:’ या मंत्राचा जप यथाशक्ती करावा.
अथर्वशीर्ष किंवा गणेश स्तोत्र २१ किंवा ११ वेळा म्हणावे. अगदीच शक्य नसेल तर किमान एक वेळा एका जागी स्थिर बसून म्हणावे.
संकष्ट चतुर्थी तसेच मंगळवारची गणेश व्रते विशेष मानली गेली असून, गणपतीची अपार कृपा, शुभ-लाभ मिळू शकते, असे म्हणतात.
ॐ गं गणपतये नम:... गणपती बाप्पा मोरया...
क्लिक करा