अहमदनगर : अजनूजमधील वाळू उपशाचे 'लोकमत'कडे चित्रिकरण

अहमदनगर, न्यायालयाचा आदेश डावलून, तसेच अटी-शर्ती भंग करत अजनुज ( श्रीगोंदा )येथे वाळू उपसा सुरूच असल्याची माहिती समोर आली आहे.  या वाळू उपशाचे चित्रिकरण ‘लोकमत’ने सोमवारी ( 18 डिसेंबर) केले होते. यंत्राद्वारे वाळू उपसा होत असल्याची कबुली श्रीगोंदा तहसीलदार महेंद्र माळी यांनी ‘लोकमत’ला दिली होती. लोकमतमध्ये वृत्त प्रकाशित होताच वाळू उपसा करणा-यांनी यंत्र घेऊन पळ काढला.