औरंगाबाद-नागपूर महामार्गावर अपघातात टिप्परचालक ठार

Washim News : औरंगाबाद-नागपूर महामार्गावर अपघातात टिप्परचालक ठार झाला.

शिरपूर जैन : खासगी प्रवाशी वाहन आणि टिप्परमध्ये समोरासमोर धडक झाल्याने टिप्परचालकाचा जागीच मृत्यू झाल्याची घटना औरंगाबाद-नागपूर द्रुतगती महामार्गावरील चांडस-कळमगव्हाण गावादरम्यान १७ ते रोजी पहाटे ४ वाजताच्या सुमारास घडली. दीपक खुशालराव देशमुख (गवळी) असे मृतकाचे नाव आहे. शिरपूर पोलीस स्टेशनच्या हद्दीत औरंगाबाद-नागपूर द्रुतगती मार्गाने एम एच ४० बिजी ६००१ क्रमांकाचे खासगी प्रवाशी वाहन पूणे येथून मालेगावकडे येत होते तर एम एच ३७ टी ९९२२ क्रमांकाचे टिप्पर विरूद्ध दिशेने मेहकरकडे जात होते. चांडस-कळमगव्हाण या गावादरम्यान खासगी प्रवाशी वाहन आणि टिप्परमध्ये जबर धडक झाली. यामध्ये टिप्पर चालक दीपक खुशालराव देशमुख रा. चांडस याचे शीर धडावेगळे झाल्याने त्यांचा जागेवरच मृत्यू झाला. या अपघातात खासगी प्रवाशी वाहनाच्या चालकसह १० ते १२ प्रवासी सुद्धा जखमी झाले. ते परस्पर उपचारासाठी गेले असल्याने त्यांची नावे कळू शकली नाहीत. घटनेची माहिती मिळताच शिरपूर पोलीस स्टेशन पोलीस उपनिरीक्षक शरद साठे हे घटना स्थळावर हजर झाले. घटनेचा पंचनामा करण्यात आला असून पुढील तपास शिरपूर पोलीस करीत आहेत.