दोन चिमुकल्यांनी स्फोटात गमावले मातृछत्र; आई व आजी मृत्युमुखी तर वडील बचावले

प्राची आणि ऋतिका या दोन चिमुकल्यांची आई निशू सिंग आणि आजी माधुरी या दोघींचा कारखान्याच्या इमारतीच्या कोसळलेल्या ढिगाऱ्याखाली सापडून दुर्दैवी मृत्यू झाला आहे.

बोईसर : आई जेवण करायला गेली ती परत आलीच नाही. स्फोटामध्ये प्राची (६) आणि ऋतिका (३) या दोन्ही चिमुकल्यांनी आपल्या आई व आजीचे छत्र गमावले असून या दोन्ही चिमुकल्या शनिवारच्या स्फोटातून सुदैवाने बचावल्या आहेत.

प्राची आणि ऋतिका या दोन चिमुकल्यांची आई निशू सिंग आणि आजी माधुरी या दोघींचा कारखान्याच्या इमारतीच्या कोसळलेल्या ढिगाऱ्याखाली सापडून दुर्दैवी मृत्यू झाला आहे. घटना घडली त्याच्या काही मिनिटे आधी या चिमुकल्यांचे वडील राहुल सिंग जवळच्या पानाच्या टपरीवर गेले होते. त्यांनी या भीषण स्फोटाचा आवाज ऐकताच क्षणाचाही विलंब न लावता घटनास्थळाकडे धाव घेतली आणि धोका पत्करून आपल्या या चिमुकल्यांना प्रथम सुरक्षितपणे बाहेर काढले.

त्याच वेळी आपली पत्नी व आई त्याला दिसल्या नाहीत. एका बाजूला प्राची व ऋतिका यांच्यावर रुग्णालयात उपचार सुरू असतानाच दुसºया बाजूला पत्नी व आईचा मृतदेह असे भयानक चित्र राहुुुल सिंग यांना पाहावे लागले. दरम्यान, आपल्या दोन्ही मुलींना आई जेवण करण्यास गेली ती कधीच परत येणार नाही, याची चिमुकल्यांना कल्पनाच नाहीय.