भिवंडीत सात लाखांच्या मुद्देमालासह दोन चोरट्यांना अटक

या तक्रारी नंतर नारपोली पोलिसांनी तपासाची चक्रे फिरवत तांत्रिक माहिती व आपल्या गुप्त बतमीदारांमार्फत या चोरीच्या घटनेचा तपास लावत या चोरी प्रकरणी शैतानसिंग जसवंतसिंग सोळंकी ( 33 रा .नागपाडा मुंबई ) व फारूक हसन शेख ( 42 रा . कळवा ) या दोघांना ताब्यात घेऊन चौकशी केली

भिवंडी ( दि. 5 ) भिवंडी पोलिसांनी चोरट्यांच्च मुसक्या आवळण्याची मोहीम सुरू केली असून काही दिवसांपूर्वी गोदामातील 14 लाख 27 हजार 200 रुपये किंमतीचे ब्रास व कॉपर शीट चोरी झाल्याची घटना श्रीराम कॉम्प्लेक्स राहनाळ येथे घडली होती . या चोरी प्रकरणी व्यावसायिक संदीप प्रकाश शाह यांनी 22 ऑगस्ट 2020 नारपोली पोलीस ठाण्यात तक्रार दाखल केली होती.

या तक्रारी नंतर नारपोली पोलिसांनी तपासाची चक्रे फिरवत तांत्रिक माहिती व आपल्या गुप्त बतमीदारांमार्फत या चोरीच्या घटनेचा तपास लावत या चोरी प्रकरणी शैतानसिंग जसवंतसिंग सोळंकी ( 33 रा .नागपाडा मुंबई ) व फारूक हसन शेख ( 42 रा . कळवा ) या दोघांना ताब्यात घेऊन चौकशी केली असता या दोघांनी गोदामातील ब्रास व कॉपर मेटल शीट चोरी केल्याची कबुली दिली असून त्यांच्याकडून आतापर्यंत 1436 किलो वजनाचे 7 लाख 18 हजार 200 रुपये किंमतीच्या ब्रास शीट नारपोली पोलिसांनी हस्तगत केल्या असल्याची माहिती नारपोली पोलीस ठाण्याचे वरिष्ठ पोलीस निरीक्षक मालोजी शिंदे यांनी दिली असुंब्या गुन्ह्याचा अधिक तपास पोलीस उप निरीक्षक पुष्पराज सुर्वे करीत आहेत.