अनिकेत घमंडी
डोंबिवली - बदलापूरमधील शिंदेसेनेचे नेते वामन म्हात्रेच्या कुटुंबातील सहा सदस्यांना उमेदवारी मिळाल्याने शिंदेसेनेवर घराणेशाहीची टीका होऊ लागली. आता कल्याण-डोंबिवलीसह अन्यत्र त्याची पुनरावृत्ती नको, याची काळजी भाजप व शिंदेसेना हे पक्ष घेणार आहेत. एकाच घरात केवळ दोघांना उमेदवारी मिळू शकेल. त्यामुळे स्वतः, पत्नी, मुलगा, सून, जावई अशा गोतावळ्याला उमेदवारीची खिरापत मिळेल याकरिता या पक्षातून त्या पक्षात उड्या मारलेल्या आणि आता उड्या मारण्याच्या बेतात असणाऱ्यांची अडचण होणार आहे.
वामन म्हात्रे प्रकरणानंतर अनेकांनी सोशल मीडियाद्वारे स्वतःसह पत्नी, मुलांचे फोटो टाकून नव्या चेहऱ्यांचे राजकारणात प्रमोशन सुरू केले होते. बहुसदस्यीय प्रभाग पद्धतीत चार किंवा तीन उमेदवार निवडून येतात. परिणामी एकाच घरात चारही तिकिटे मिळवण्याकडे स्थानिक नेत्यांचा कल असतो. बडा नेता मुलगा, पत्नी, सून व स्वतः यांची खर्चाची जबाबदारी घेतो. भविष्यात या प्रभागातील नागरी कामे करणे, या प्रभागात होणाऱ्या कामांमधील टक्केवारी, येथील कंत्राटांचे वाटप या सर्वावर त्या कुटुंबाचेच वर्चस्व राहते. वामन म्हात्रे किंवा तत्सम नेत्यांच्या घरात अशी घाऊक तिकिटे दिल्याने संपूर्ण प्रभाग पक्षाच्या खिशात राहतो.उमेदवारांच्या खर्चाची व भविष्यातील कामाची चिंता मिटते.
Web Summary : Following criticism over multiple candidacies for one family, Shiv Sena and BJP will limit tickets to two per family in Kalyan-Dombivli. This decision impacts those switching parties for candidacy benefits, preventing family dominance in local politics and contracts.
Web Summary : एक ही परिवार को कई टिकट देने पर आलोचना के बाद, शिवसेना और भाजपा कल्याण-डोंबिवली में प्रति परिवार टिकटों को दो तक सीमित करेंगी। यह निर्णय उम्मीदवारी लाभ के लिए दल बदलने वालों को प्रभावित करता है, जिससे स्थानीय राजनीति और अनुबंधों में पारिवारिक वर्चस्व रोका जा सकेगा।