Coronavirus : सुपर मार्केटला गर्दी करू नका, खडकपाडा पोलिसांनी केले आवाहन

Coronavirus : या सुपर मार्केटकडे जाणारे रस्ते बंद केले असून बाहेरील व्यक्तींना याठिकाणी प्रवेश नाकारण्यात येत आहे. 

ठळक मुद्देशहरात खाजगी गाड्यांना देखील बंदी असून जे नागरिक आपली दुचाकी किंवा चार चाकी घेऊन सामान घेण्यासाठी येत आहेत. नागरिकांनी सुपर मार्केटला गर्दी न करता घराजवळील दुकानातून सामान खरेदी करा असे आवाहन वरिष्ठ पोलीस निरीक्षक पवार यांनी केले आहे.

कल्याण - पश्चिमेतील खडकपाडा पोलीस ठाण्याच्या हद्दीत डी मार्ट, रिलायन्स मार्ट, पटेल मार्ट असे अनेक सुपर मार्केट आहेत. या ठिकाणी नागरिकांना सामान खरेदीसाठी जास्त ऑप्शन आणि काही प्रमाणात सवलत मिळत असल्याने संपूर्ण शहरातील नागरिक याठिकाणी आपल्या गाड्यांसह सामान खरेदीसाठी गर्दी करत आहेत. त्यामुळे नागरिकांच्या आरोग्याच्या दृष्टीने सुरक्षेचा प्रश्न निर्माण होत आहे. याबाबतचा आढावा खडकपाडा पोलिस ठाण्याचे वरिष्ठ निरीक्षक अशोक पवार यांनी घेत या सुपर मार्केटकडे जाणारे रस्ते बंद केले असून बाहेरील व्यक्तींना याठिकाणी प्रवेश नाकारण्यात येत आहे. 

तसेच अशा गाड्यांवर देखील जप्तीची कारवाई करण्यात येत आहेत. त्यामुळे नागरिकांनी सुपर मार्केटला गर्दी न करता घराजवळील दुकानातून सामान खरेदी करा असे आवाहन वरिष्ठ पोलीस निरीक्षक पवार यांनी केले आहे.