तलावात बुडालेल्या १६ वर्षीय आर्यनचा मृतदेह २० तासानंतर सापडला 

Crime News : मुलाचा मृतदेह वीस तासानंतर सोमवारी सकाळी ११ वाजता अग्निशमन तसेच टीडीआरएफच्या जवानांनी तलावा बाहेर काढला आहे. 

ठळक मुद्देआज रविवारी दुपारीन तीन वाजण्याच्या सुमारास हा मुलगा त्याच्या तीन चार मित्रांसह तलावात पोहायला गेला होता. मात्र पोहताना तलावात मध्यभागी असताना त्याला दम लागल्याने तो पाण्यात बुडाला. सायंकाळी साडेसहा वाजेपर्यंत मुलगा सापडलेला नव्हता.

मुंब्राः दिव्यातील आगासन परीसरातील तलावामध्ये रविवारी दुपारी तीन वाजता पोहताना दम लागल्यामुळे बुडालेल्या १६ वर्षाच्या आर्यन चिपी या  मुलाचा मृतदेह वीस तासानंतर सोमवारी सकाळी ११ वाजता अग्निशमन तसेच टीडीआरएफच्या जवानांनी तलावा बाहेर काढला आहे. 

दिव्यातील बेडेकर नगर येथील खडवली देवी चाळीत रहात असलेला आर्यन चिपी हा १६ वर्षाचा अल्पवयीन मुलगा त्याच्या मित्रासह रविवारी दुपारी पोहण्यासाठी येथील आगासन येथील तलावात गेला होता. तेथील पाण्याचा अंदाज न आल्यामुळे आणि दम लागल्यामुळे तो तलावात बुडाला होता. शिळ तसेच मुंब्रा अग्निशमन दलाचे जवान त्याचा शोध घेत असल्याची माहिती अग्निशमन दलाच्या जवानांनी दिली. 

दिव्यातील तलावात १६ वर्षाचा मुलगा बुडाला, शोधण्यासाठी शर्थीचे प्रयत्न सुरु 

आज रविवारी दुपारीन तीन वाजण्याच्या सुमारास हा मुलगा त्याच्या तीन चार मित्रांसह तलावात पोहायला गेला होता. मात्र पोहताना तलावात मध्यभागी असताना त्याला दम लागल्याने तो पाण्यात बुडाला. सायंकाळी साडेसहा वाजेपर्यंत मुलगा सापडलेला नव्हता. त्याचा शोध घेण्यासाठी अग्निशमन दलाच्या जवानांचे शर्थीचे प्रयत्न सुरु होते.