ओम-स्वीटूची जवळीक वाढणार; पण शकू मावशीच करणार दोघांना विभक्त?

By ऑनलाइन लोकमत | Published: October 22, 2021 11:06 AM2021-10-22T11:06:25+5:302021-10-22T11:07:24+5:30

Yeu kashi tashi me nandayla: सत्य समजल्यानंतर स्वीटूने ओमला माफ केलं आहे. त्यामुळे ओम आता पुन्हा त्याच्या घरी खानविलकर हाऊसमध्ये राहायला आला आहे.

marathi serial yeu kashi tashi me nandayla new update om and sweetu friendship | ओम-स्वीटूची जवळीक वाढणार; पण शकू मावशीच करणार दोघांना विभक्त?

ओम-स्वीटूची जवळीक वाढणार; पण शकू मावशीच करणार दोघांना विभक्त?

googlenewsNext
ठळक मुद्देमोहितने घडलेला प्रकार सांगितल्यानंतर मालविका शकूला हा प्रसंग सांगणार आहे.

छोट्या पडद्यावरील 'येऊ कशी तशी मी नांदायला' (yeu kashi tashi me nandayla) या मालिकेला प्रेक्षकांकडून सध्या भरभरुन प्रेम मिळत आहे. ओम आणि स्वीटूच्या सुरु झालेल्या लव्ह स्टोरीमध्ये मालविकाने ऐन लग्नात मीठाचा खडा टाकल्यामुळे या दोघांचंही आयुष्य पूर्णपणे बदलून गेलं आहे. स्वीटू आता मोहितची पत्नी असून ओम आणि तिच्यातील दरी कमालीची वाढली आहे. यामध्येच स्वीटूसमोर ओमचं सत्य आल्यानंतर त्यांच्यातील रागरुसवा दूर झाल्याचं पाहायला मिळत आहे. विशेष म्हणजे यातच आता या दोघांमधील जवळीक वाढणार असल्याचं पाहायला मिळत आहे.

ऐन लग्नात ओम भर मांडवात स्वीटूला सोडून गेल्यामुळे तिच्या मनात ओमविषयी प्रचंड राग होता. या रागाच्या भरात अनेकदा तिने ओमचा अपमान केला, त्याच्याशी तोडून वागत राहिली. परंतु, दादांमुळे तिला लग्नाची दिवशी घडलेली घटना समजली. ज्यामुळे आता स्वीटू समोर सत्य परिस्थिती आली आहे. सत्य समजल्यानंतर स्वीटूने ओमला माफ केलं आहे. त्यामुळे ओम आता पुन्हा त्याच्या घरी खानविलकर हाऊसमध्ये राहायला आला आहे. परंतु, याच काळात दोघांमधील जवळीक वाढताना दिसणार आहे.

Photos: रॉकी इतकाच हॅण्डसम आहे मालविकाचा रिअल लाइफ नवरा

सध्या सोशल मीडियावर एक व्हिडीओ व्हायरल होत आहे. या व्हिडीओमध्ये ओम आणि स्वीटू दोघंही खानविलकरांच्या घरात राहत असून मोहित मुद्दाम घरातील लाईट बंद करतो. ज्यामुळे स्वीटू घाबरते आणि ओरडायला लागते. स्वीटूला घाबरलेलं पाहून ओम लगेच तिच्याकडे धाव घेतो आणि मोबाईलची बॅटरी लावतो. याच काळात मोहित मालविकाला स्वीटू- ओममधील जवळीक वाढत असल्याचं सांगतो. 

दरम्यान, मोहितने घडलेला प्रकार सांगितल्यानंतर मालविका शकूला हा प्रसंग सांगणार आहे. त्यामुळे स्वीटूच्या पुढील आयुष्यात कोणतीही अडचण येऊ नये यासाठी शकू महत्त्वाचं पाऊल उचलताना दिसणार आहे.  म्हणूनच, आता ओम-स्वीटूला विभक्त करण्यासाठी शकू पुढाकार घेणार की तिच्यामुळे हे दोघं पुन्हा एकत्र येणार हे पाहणं औत्सुक्याचं ठरणार आहे. 
 

Web Title: marathi serial yeu kashi tashi me nandayla new update om and sweetu friendship

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.