Bigg Boss Marathi 3 : घरामध्ये सदस्य होणार फ्रीज, जाणून घ्या नेमकं पुढं काय घडणार?

Bigg Boss Marathi 3: बिग बॉस मराठीच्या घरामध्ये सदस्य आता जवळपास ९ आठवडे राहिले आहेत आणि आता सुरू झाला आहे १० वा आठवडा.

बिग बॉस मराठीच्या तिसऱ्या सीझनला प्रेक्षकांचा खूप चांगला प्रतिसाद मिळतो आहे. बिग बॉसच्या घरात पहिल्या दिवसांपासून सदस्यांमध्ये भांडणांना सुरूवात झाली. इतकेच नाही तर काही दिवसांतच घरात दोन गटदेखील पाहायला मिळाले. आता घरात सदस्यांचे पन्नास दिवस उलटून गेले आहेत आणि सदस्यांचे खरे स्वरुप प्रेक्षकांसमोर आले आहे. त्यात आता बिग बॉस मराठीच्या घरामध्ये सदस्य आता जवळपास ९ आठवडे राहिले आहेत आणि आता सुरू झाला आहे १० वा आठवडा...

आपल्या कुटुंबापासून दूर, कोणताही संपर्क न साधता बिग बॉसच्या घरामध्ये तब्बल ६५ दिवसाहून अधिक दिवस राहाणे काही सोप्पे नाही आणि म्हणूनच हा आठवडा सदस्यांसाठी त्यांच्या या प्रवासावातील अविस्मरणीय आठवडा ठरणार आहे. कारण सुरू होतो आहे फॅमिली वीक... सदस्यांना भेटायला येणार आहेत त्यांच्या कुटुंबातील सदस्य. या दिवसाची वाट सदस्य खूप दिवसांपासून पाहत असतात. घरातील सदस्य भेटून गेल्यावर पुन्हा जोमाने खेळण्याची उभारी, नवी ऊर्जा मिळते असे म्हणायला हरकत नाही. त्यांचे शब्द त्यांना हिंमत देऊन जातात.

घरातील काही सदस्यांचे झाले अश्रु अनावर

नुकत्याच समोर आलेल्या प्रोमोमध्ये सदस्यांना बिग बॉस फ्रीज होण्याचा आदेश देत आहेत. तुम्हांला तर कळालेच असेल आता काय होणार आहे. सदस्यांची अखेर त्यांच्या कुटुंबियांशी भेट होणार आहे. विकासला भेटायला त्याची बायको घरामध्ये जाणार आहे. गायत्री, विशाल यांना अश्रु अनावर झाले. विकासने त्याच्या मुलाची चौकशी केली. अजून काय काय गप्पा मारल्या, कोणत्या गोष्टी शेअर केल्या, बायकोने त्याला काय संदेश दिला हे आजच्या भागात समजेल.