फक्त 6,999 रुपयांमध्ये Redmi 9a Sport लाँच; कमी किंमतीत शाओमीचा Redmi 9i Sports देखील होणार उपलब्ध
By सिद्धेश जाधव | Published: September 28, 2021 03:17 PM2021-09-28T15:17:53+5:302021-09-28T15:18:20+5:30
Budget Phone Redmi 9i Sport and Redmi 9A Sport: रेडमी 9ए स्पोर्टची किंमत 6,999 रुपयांपासून सुरु होते तर रेडमी 9आय स्पोर्टचा बेस व्हेरिएंट 8,799 रुपयांमध्ये विकत घेता येईल.
फक्त 6,999 रुपयांमध्ये Redmi 9a Sport लाँच; कमी किंमतीत शाओमीचा Redmi 9i Sports देखील होणार उपलब्ध
Next शाओमीने आपल्या बजेट फोन्सच्या यादी दोन नवीन नावं जोडली आहेत. कंपनीने भारतात Redmi 9A Sport आणि Redmi 9i Sport हे दोन लो बजेट स्मार्टफोन्स सादर केले आहेत. रेडमी 9ए स्पोर्टची किंमत 6,999 रुपयांपासून सुरु होते तर रेडमी 9आय स्पोर्टचा बेस व्हेरिएंट 8,799 रुपयांमध्ये विकत घेता येईल.
Redmi 9A Sport आणि Redmi 9i Sports ची किंमत
- Redmi 9A Sport (2GB+32GB): 6,999 रुपये
- Redmi 9A Sport (3GB+32GB): 7,999 रुपये
- Redmi 9i Sport (4GB+64GB): 8,799 रुपये
- Redmi 9i Sport (4GB+128GB): 9,299 रुपये
हे दोन्ही फोन्स कार्बन ब्लॅक, कॅरोल ग्रीन आणि मेटॅलिक ब्लु रंगात विकत घेता येतील.
Redmi 9A Sport आणि Redmi 9i Sport चे स्पेसिफिकेशन्स
शाओमीचे हे दोन्ही स्मार्टफोन 6.53 इंचाच्या एचडी+ डिस्प्लेसह बाजारात आले आहेत. हे फोन्स वॉटरड्रॉप नॉच डिजाईनसह सादर करण्यात आले आहेत. हे फोन्स अँड्रॉइड ओएस आधारित मीयुआयवर चालतो. प्रोसेसिंगसाठी मीडियाटेकचा हीलियो जी25 चिपसेट देण्यात आला आहे.
दोन्ही फोनमध्ये बॅक पॅनलवर एलईडी फ्लॅशसह 13 मेगापिक्सलचा रियर कॅमेरा सेन्सर देण्यात आला आहे. तसेच फ्रंटला 5 मेगापिक्सलचा फ्रंट कॅमेरा आहे. हे फोन बेसिक कनेक्टिव्हिटी फीचर्ससह सादर करण्यात आले आहेत. तसेच सिक्योरिटी फिचरमध्ये फेस अनलॉकचा समावेश करण्यात आला आहे. पॉवर बॅकअपसाठी Redmi 9A Sport आणि Redmi 9i Sport मध्ये 10W फास्ट चार्जिंगसह 5,000एमएएचची बॅटरी देण्यात आली आहे.