हाय रिफ्रेश रेट असेलेल्या जबराट 4K डिस्प्लेसह Redmi Smart TV X 2022 लाँच; इतकी आहे किंमत
By सिद्धेश जाधव | Published: October 21, 2021 03:12 PM2021-10-21T15:12:12+5:302021-10-21T15:12:26+5:30
Xiaomi Redmi Smart TV X 2022 Launch Price Specs and Details: Redmi Smart TV X 2022 लाईनअप 55-inch, 120Hz Refresh Rate, 4K Display आणि Dolby Atmos सपोर्टसह सादर करण्यात आली आहे.
हाय रिफ्रेश रेट असेलेल्या जबराट 4K डिस्प्लेसह Redmi Smart TV X 2022 लाँच; इतकी आहे किंमत
Next शाओमीने आपल्या सब-ब्रँड Redmi अंतर्गत Redmi Smart TV X 2022 सादर केली आहे. या SmartTV ची खासियत म्हणजे यातील 120Hz रिफ्रेश रेट असलेला डिस्प्ले आहे. गेल्यावर्षी लाँच करण्यात आलेल्या Redmi X series ची नवीन लाईनअप कंपनीने चीनमध्ये सादर केली आहे. शाओमीने Redmi Smart TV X 2022 टीव्हीचे 55-inch आणि 65-inch असे दोन मॉडेल बाजारात आणले आहेत.
Redmi Smart TV X 2022 चे स्पेसिफिकेशन्स
कंपनीने Redmi Smart TV X 2022 स्मार्ट टीव्ही फुल मेटल डिजाइनसह सादर केली आहे. तसेच यात बॅकलाईट पॅनलचा वापर करण्यात आला आहे. हा टीव्ही पॅनल 4K (3840×2160 पिक्सल) रिजोल्यूशनला सपोर्ट करतो. तसेच कंपनीने यात 120Hz चा हाय रिफ्रेश रेट दिला आहे. त्याचबरोबर 6.5ms रिस्पॉन्स टाइम, 10-bit कलर डेप्थ, 94% P3 कलर गमुट, FreeSync आणि Dolby Vision असे फीचर्स मिळतात.
चांगल्या ऑडिओ क्वॉलिटीसाठी कंपनीने या टीव्ही मध्ये 4 स्पिकरचा वापर केला आहे. Redmi Smart TV X 2022 मध्ये Dolby Atmos सपोर्ट मिळतो. तसेच कनेक्टिविटीसाठी HDMI 2.0 (eARC) पोर्ट, एक HDMI 2.1 (4K120Hz) पोर्ट, एक AV, एक ATV/DTMB, दोन USB पोर्ट, एक S/PDIF, एक RJ-45 आणि चार मायक्रोफोन देण्यात आले आहेत.
या टीव्ही लाईनअपमध्ये कंपनीने MediaTek MTK 9650 चिपसेटचा वापर केला आहे. ज्यात क्वाड कोर A73 1.5GHz CPU आणि Mali-G52 2EE MC1 GPU देण्यात आले आहेत. तसेच हा टीव्ही 3GB RAM आणि 32GB इंटरनल स्टोरेजला सपोर्ट करतो.
Redmi Smart TV X 2022 ची किंमत
Redmi Smart TV X 2022 स्मार्ट टीव्हीच्या 55 इंचाच्या मॉडेलची किंमत 2,999 युआन (सुमारे 35,100 रुपये) ठेवण्यात आली आहे. तर या टीव्हीच्या 65 इंचाच्या मॉडेलसाठी 3,499 युआन म्हणजे जवळपास 41,000 रुपये द्यावे लागतील. ही टीव्ही लाईनअप भारतात पदार्पण करेल कि नाही हे मात्र आता सांगता येणार नाही.