चार्जिंगबद्दल डोन्ट वरी! फक्त 20 रुपयांत रेंटवर घ्या पॉवर बँक मग हवी तेवढी चालणार बॅटरी
By ऑनलाइन लोकमत | Published: March 14, 2021 03:54 PM2021-03-14T15:54:43+5:302021-03-14T16:00:08+5:30
Spykke News : स्मार्टफोन युजर्ससाठी एक खूशखबर आहे. त्यांना आता चार्जिंगचं टेन्शन घ्यायची गरज नाही. कारण देशात पहिली स्मार्टफोन पॉवर बँक रेंटल सर्व्हिस 'स्पाईक' लाँच झाली आहे.
चार्जिंगबद्दल डोन्ट वरी! फक्त 20 रुपयांत रेंटवर घ्या पॉवर बँक मग हवी तेवढी चालणार बॅटरी
Next नवी दिल्ली - स्मार्टफोन हा जगण्याचा एक अविभाज्य भाग झाला आहे. मोठ्या प्रमाणात स्मार्टफोनचा वापर हा केला जातो. मात्र अनेकदा सतत फोन सुरू असल्याने फोनची बॅटरी लवकर लो होते. नेमका कामाच्या वेळेस फोन चार्ज करता न आल्याने बंद होतो आणि विविध समस्यांचा सामना करावा लागतो. त्यामुळेच स्मार्टफोन युजर्ससाठी एक खूशखबर आहे. त्यांना आता चार्जिंगचं टेन्शन घ्यायची गरज नाही. कारण देशात पहिली स्मार्टफोन पॉवर बँक रेंटल सर्व्हिस 'स्पाईक' (Spykke) लाँच झाली आहे.
8 हजार ठिकाणी कंपनीचं नेटवर्क
संपूर्ण देशात 11 शहरांत 8 हजार ठिकाणी याचं नेटवर्क आहे. सध्या कंपनीचे आऊटलेट बंगळुरू, दिल्ली, मुंबई, दिल्ली-एनसीआर, हैदराबाद, चेन्नई, कोलकाता, कोईंबतूर, चंडीगढ, लखनऊ, जयपूर आणि पुणे येथे आहे. एका आऊटलेटमधून पॉवर बँक रेंटवर घेऊन दुसऱ्या आऊंटलेटवर ती रिटर्न करता येऊ शकते.
कमीत कमी ताशी 20 रुपये
स्पाईकचे 3 रेंटल प्लॅन आहेत. स्टँडर्ड प्लॅनमध्ये 20 रुपये ताशी पैसे द्यावे लागतील. एलिट प्लॅनमध्ये 1199 रुपये वर्षभरासाठी भरावे लागतील. तर सुप्रीम प्लॅनमध्ये 1999 रुपयांत लाईफटाईम मेंबरशिप मिळेल. या रेंटल सर्व्हिसचा वापर करणाऱ्यांसाठी डेबिट कार्ड, क्रेडिट कार्ड, यूपीआय आणि पेटीएमचा उपयोग पेमेंटसाठी करता येऊ शकतो.
जस्टडायलचे (Justdial Ltd) सह संस्थापक रमणी अय्यर (Ramani Iyer) यांनी आपलं नवं वेंचर 'स्पाईक' लाँच केलं आहे. अय्यर 'स्पाईक'ला जगभरातील सर्वात मोठी स्मार्टफोन पॉवर बँक रेंटल सर्विस कंपनी म्हणून स्थापित करू इच्छितात. काही महिन्यातच कंपनीचं भारतात सर्वात व्यापक स्मार्टफोन पॉवर बँक रेंटल नेटवर्क बनलं आहे. एका हिंदी वेबसाईटने याबाबतचे वृत्त दिले आहे.
टेक, गॅजेटच्या लेटेस्ट बातम्यांसाठी इथे क्लिक करा....
एका चार्जमध्ये तब्बल 5 तास चालणार बॅटरी, स्पेसिफिकेशन्स अन् बरंच काही... https://t.co/kQaRwruDMX#goggle#Anzu#technology
— Lokmat (@MiLOKMAT) March 11, 2021
स्टेट बँक ऑफ इंडियाच्या ग्राहकांसाठी महत्त्वाची बातमी, बँकेने केलं अलर्टhttps://t.co/VMiMyF4vn2#statebankofindia#UPI#Bank#money
— Lokmat (@MiLOKMAT) March 14, 2021