पुढील आठवड्यात भारतात येतोय Motorola चा स्वस्त 5G Phone; जाणून घ्या कसा आहे Moto G51 5G
By सिद्धेश जाधव | Published: December 3, 2021 11:52 AM2021-12-03T11:52:19+5:302021-12-03T11:52:26+5:30
Motorola Moto G51 5G Phone Price In India: Motorola पुढील आठवड्यात Moto G51 5G भारतात लाँच करू शकते. हा फोन 12 5G बँड्ससह भारतात पदार्पण करेल, असं सांगण्यात आलं आहे.
पुढील आठवड्यात भारतात येतोय Motorola चा स्वस्त 5G Phone; जाणून घ्या कसा आहे Moto G51 5G
Next Motorola नं जागतिक बाजारात लाँच केलेले G सीरीजमधील फोन भारतात आणण्यास सुरुवात केली आहे. गेल्या आठवड्यात Moto G31 स्मार्टफोन देशात आणल्यानंतर आता कंपनी 5G Phone सादर करणार आहे. कंपनी पुढील आठवड्यात Moto G51 5G भारतात लाँच करू शकते. टिपस्टर मुकुल शर्मानं 10 डिसेंबर ही तारीख दिली आहे. तसेच हा फोन 12 5G बँड्ससह भारतात पदार्पण करेल, असं देखील सांगण्यात आलं आहे.
Moto G51 5G Phone ची किंमत
Motorola लवकरच भारतात Moto G51 5G स्मार्टफोन सादर करणार आहे. हा फोन याआधी युरोपात लाँच झाल्यामुळे या फोनच्या भारतीय किंमतीचा अंदाज लावणं सोपं झालं आहे. मीडिया रिपोर्टनुसार, Moto G51 5G स्मार्टफोन 20,000 रुपयांमध्ये सादर केला जाऊ शकतो. कारण युरोपियन बाजारात या फोनची किंमत 229.99 यूरो अर्थात सुमारे 19,400 रुपये ठेवण्यात आली होती.
Moto G51 5G Phone चे स्पेसिफिकेशन्स
Moto G51 5G स्मार्टफोनमध्ये 6.8 इंचाचा FHD+ LCD डिस्प्ले देण्यात आला आहे. हा पंच होल डिस्प्ले 120Hz रिफ्रेश रेटला सपोर्ट करतो. पॉवर बॅकअपसाठी Moto G51 5G मध्ये 5,000mAh ची बॅटरी देण्यात आली आहे. या फोनमध्ये 3.5mm ऑडियो पोर्ट, USB Type-C पोर्ट, गुगल असिस्टंट बटन, IP52 रेटिंग, डॉल्बी अ‍ॅटमॉस आणि साइड माउंटेड फिगर प्रिंट सेन्सर देण्यात आला आहे.
Moto G51 चा कॅमेरा सेगमेंट पाहता, यात LED फ्लॅश असलेला ट्रिपल रियर कॅमेरा सेटअप मिळतो. या सेटअपमधील कॅमेऱ्याचे रिजोल्यूशन 50MP आहे. ज्याला 2MP च्या मॅक्रो कॅमेरा आणि 8MP च्या अल्ट्रा वाईड अँगल सेन्सरची जोड देण्यात आली आहे. या स्मार्टफोनमध्ये 13MP चा सेल्फी कॅमेरा मिळतो.
Moto G51 स्मार्टफोनमध्ये Qualcomm च्या Snapdragon 480+ SoC ची प्रोसेसिंग पॉवर देण्यात आली आहे. तसेच हा फोन ग्राफिक्ससाठी Adreno 619 GPU ला सपोर्ट करतो. कंपनीने हा 4GB रॅम आणि 64GB स्टोरेजसह सादर केला आहे. या मोटोरोलाच्या 5G Phone मधील स्टोरेज वाढवण्यासाठी मायक्रो-एसडी कार्ड स्लॉट देण्यात आला आहे.