भन्नाट फीचर्ससह शक्तिशाली गेमिंग फोन iQOO Z5 5G लाँच; जाणून घ्या किंमत आणि स्पेसिफिकेशन्स
By सिद्धेश जाधव | Published: September 23, 2021 05:30 PM2021-09-23T17:30:18+5:302021-09-23T17:30:58+5:30
iQOO Z5 5G Price In India: iQOO Z5 5G स्नॅपड्रॅगन प्रोसेसर, वेगवान डिस्प्ले आणि फास्ट चार्जिंगसह सादर करण्यात आला आहे.
भन्नाट फीचर्ससह शक्तिशाली गेमिंग फोन iQOO Z5 5G लाँच; जाणून घ्या किंमत आणि स्पेसिफिकेशन्स
Next विवोच्या सब-ब्रँड iQOO ने जागतिक बाजारात आपला नवीन गेमिंग फोन iQOO Z5 5G लाँच केला आहे. कंपनीने हा फोन 27 सप्टेंबरला भारतात सादर केला जाईल, अशी माहिती याआधीच दिली आहे. या ग्लोबल लाँचमुळे iQOO Z5 चे फीचर्स आणि स्पेसिफिकेशन्स समोर आले आहेत. हा फोन स्नॅपड्रॅगन प्रोसेसर, वेगवान डिस्प्ले आणि फास्ट चार्जिंगसह सादर करण्यात आला आहे.
iQOO Z5 5G चे स्पेसिफिकेशन्स
iQOO Z5 5G मध्ये 6.67-इंचाचा फुलएचडी+ डिस्प्ले मिळतो. हा पंच होत डिजाईनसह सादर करण्यात आलेला डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो, जे गेमिंगसाठी खूप उपयुक्त ठरतात. हा फोन क्वालकॉम स्नॅपड्रॅगन 778G SoC वर चालतो, तर ग्राफिक्ससाठी एड्रेनो 670 GPU देण्यात आला आहे. हा फोन अँड्रॉइड 11 आधारित फनटच ओएसवर चालतो.
या फोनमध्ये 12GB पर्यंतचा वेगवान LPDDR5 RAM आणि 256GB पर्यंतची UFS 3.1 इंटरनल स्टोरेज देण्यात आली आहे. iQOO Z5 मध्ये 4GB एक्सटेंडेड रॅम, VC लिक्विड कूलिंग सिस्टम, सराऊंड साऊंडसह ड्युअल स्पिकर आणि 4D गेम व्हायब्रेशनसह लिनियर मोटार देण्यात आली आहे.सिक्योरिटीसाठी यात साईड माउंटेड फिंगरप्रिंट स्कॅनर देण्यात आला आहे.
iQOO Z5 5G मधील ट्रिपल कॅमेरा सेटअपमध्ये 64 मेगापिक्सलचा सॅमसंग ISOCELL GW3 मुख्य सेन्सर आहे. त्याचबरोबर 8 मेगापिक्सलची वाईड अँगल लेन्स आणि 2 मेगापिक्सलचा मॅक्रो सेन्सर देण्यात आला आहे. यातील फ्रंट कॅमेरा 16 मेगापिक्सलचा आहे. पॉवर बॅकअपसाठी यात 5,000mAh ची बॅटरी मिळते, ही बॅटरी 44W फास्ट-चार्जिंगला सपोर्ट करेल.
iQOO Z5 5G ची किंमत
- 8GB+128GB व्हेरिएंट: RMB 1899 (जवळपास 21,600 रुपये
- 12GB+256GB व्हेरिएंट: RMB 2099 (जवळपास 23,900 रुपये)
- 12GB+256GB व्हेरिएंट: RMB 2299 (जवळपास 26,200 रुपये)
हा डिवाइस ब्लू ओरिजिन, मॉर्निंग लाईट आणि ड्रीम स्पेस कलर ऑप्शनमध्ये सादर करण्यात आला आहे.