पडला तरी फुटणार नाही व पाण्यात देखील सुस्साट चालणार; 6000mAh ची बॅटरीसह हटके थर्मल आणि नाईट व्हिजन कॅमेरा

DOOGEE S98 Pro स्मार्टफोन 6000mAh ची बॅटरी आणि 33W अल्ट्रा फास्ट चार्जसह बाजारात आला आहे.  

DOOGEE S98 Pro स्मार्टफोन जागतिक बाजारात लाँच झाला आहे. हा ब्रँड जास्त प्रसिद्ध नसला तरी या कंपनीचे स्मार्टफोन हटके असतात. आता आलेला DOOGEE S98 Pro स्मार्टफोन एक रगेड स्मार्टफोन आहे, अर्थात हा मजबूत मटेरियल आणि बिकट परिस्थिती वापरता यावा म्हणून बनव्यात आला आहे. कंपनीनं यात एलियन्सकडून प्रेरणा घेऊन डिजाईन दिली आहे.  

DOOGEE S98 Pro चे स्पेसिफिकेशन्स  

DOOGEE S98 Pro च्या मागे ट्रिपल कॅमेरा सेटअप देण्यात आला आहे. सामान्य स्मार्टफोन्स पेक्षा यात जास्त फीचर्स मिळतात. कॅमेरा सेटअपमध्ये प्रो-ग्रेड थर्मल सेन्सर देण्यात आला आहे, जो फ्रेममध्ये असलेल्या वस्तूचं तापमान दाखवू शकतो. फोनमध्ये 48MP SONY IMX582 प्रायमरी कॅमेरा देण्यात आला आहे. सोबत 20MP SONY IMX350 नाईट व्हिजन कॅमेरा देण्यात आला आहे.  

हा ट्रिपल रियर कॅमेरा सेटअप पिक्चरसह आजूबाजूचं टेंप्रेचर आणि अन्य माहिती देखील गोळा करतो. फोनमध्ये ड्युअल स्पेक्ट्रम फ्यूजन अल्गोरिदमचा वापर करण्यात आला आहे. जो प्रायमरी आणि थर्मल कॅमेराचे फोटो मर्ज करतो. सेल्फीसाठी 16MP Samsung S5K3P9SP सेन्सर देण्यात आला आहे. 

DOOGEE S98 Pro फोनमध्ये 6.3 इंचाचा FHD+ LCD IPS वॉटरड्रॉप नॉच डिस्प्ले देण्यात आला आहे. या फोनमध्ये MediaTek Helio G96 ऑक्टा कोर प्रोसेसर मिळतो. सोबत 8GB RAM आणि 256GB स्टोरेज देण्यात आली आहे. हा फोन Android 12 वर चालतो. DOOGEE S98 Pro स्मार्टफोनमध्ये 6000mAh ची बॅटरी आणि 33W अल्ट्रा फास्ट चार्ज वायर चार्जिंग आणि 15W वायरलेस चार्जिंगला सपोर्ट करते.  

DOOGEE S98 Pro स्मार्टफोन IP68/ 69 K रेटिंग आणि MIL-STD-810G सर्टिफिकेशनसह येतो. त्यामुळे हा डस्टप्रूफ आणि वॉटरप्रूफ तर होतोच. हा बिकट परिथितीमध्ये देखील चांगला चालतो. या फोनमध्ये साईड फिंगरप्रिट सेन्सर देण्यात आला आहे.  

DOOGEE S98 Pro ची किंमत 

DOOGEE S98 Pro स्मार्टफोन 6 जूनपासून AliExpress, DoogeeMall, आणि Linio वरून विकत घेता येईल. DOOGEE S98 Pro स्मार्टफोनची किंमत 439 डॉलर आहे. जी 34,027 भारतीय रुपयांमध्ये रूपांतरित होते.