एक नव्हे तर दोन वर्षांच्या वॉरंटीसह आला जबरदस्त 5G Phone; जाणून घ्या किंमत
By सिद्धेश जाधव | Published: December 2, 2021 05:20 PM2021-12-02T17:20:39+5:302021-12-02T17:21:49+5:30
Budget 5G Phone: Coolpad COOL 20 Pro 5G Phone चीनमध्ये सादर करण्यात आला आहे. या स्मार्टफोनमध्ये MediaTek Dimensity 900 चिपसेट, 8GB RAM, 50MP Camera आणि 33W फास्ट चार्जिंग देण्यात आली आहे.
एक नव्हे तर दोन वर्षांच्या वॉरंटीसह आला जबरदस्त 5G Phone; जाणून घ्या किंमत
Next Budget 5G Phone: Coolpad हळूहळू स्मार्टफोन बाजारात पुनरागमन करत आहे. कंपनीनं आता Coolpad COOL 20 Pro लाँच केला आहे. कंपनीनं हा 5G Phone सध्या चीनमध्ये सादर केला आहे. Coolpad COOL 20 Pro स्मार्टफोनमध्ये MediaTek Dimensity 900 चिपसेट, 8GB RAM, 50MP Camera आणि 33W फास्ट चार्जिंग देण्यात आली आहे.
Coolpad COOL 20 Pro चे स्पेसिफिकेशन्स आणि फीचर्स
Coolpad COOL 20 Pro मध्ये वॉटरड्रॉप नॉचसह 6.58-इंचाचा फुलएचडी+ एलसीडी डिस्प्ले देण्यात आला आहे. हा डिस्प्ले 120Hz रिफ्रेश रेटला सपोर्ट करतो. या स्मार्टफोनला MediaTek Dimensity 900 SoC ची प्रोसेसिंग पॉवर देण्यात आली आहे. त्याचबरोबर 8GB पर्यंतचा रॅम आणि 128GB स्टोरेज मिळते. फोनमधील रॅम 5GB पर्यंत व्हर्च्युअली वाढवता येतो, त्यामुळे एकूण रॅम 13GB होतो.
फोटोग्राफीसाठी फोनच्या बॅक पॅनलवर ट्रिपल कॅमेरा सेटअप मिळतो. ज्यात 50MP प्रायमरी कॅमेरा सेन्सर, 8MP अल्ट्रा वाईड कॅमेरा आणि 2MP मॅक्रो कॅमेरा देण्यात आला आहे. हा फोन 8MP च्या सेल्फी कॅमेऱ्याला सपोर्ट करतो. बेसिक कनेक्टिव्हिटी फीचर्ससह यात 4,500mAh ची बॅटरी देण्यात आली आहे, जी 33W फास्ट चार्जिंगला सपोर्ट करते.
Coolpad COOL 20 Pro ची किंमत
Coolpad COOL 20 Pro चे दोन दोन व्हेरिएंट चीनमध्ये आले आहेत. यातील 6GB /128GB मॉडेलची किंमत 1,799 युआन (सुमारे 21,000 रुपये) आणि 8GB/128GB ची किंमत 2,099 युआन (सुमारे 24,700 रुपये) आहे. कंपनीनं या स्मार्टफोनवर 2 वर्षाची वॉरंटी आणि 90 दिवसांच्या रिप्लेसमेंट गॅरंटीची घोषणा केली आहे.