चालकाला चक्कर आल्याने एसटी बस थेट शेतात

सोलापूर-विजापूर महामार्गावरील वडकबाळजवळ घडला प्रकार

ठळक मुद्देसोलापूर ते बाळगी जाणारी बस विजयपूर महामार्गावरून जाताना वडकबाळजवळ चालकाला चक्कर आल्याने नियंत्रण सुटलेसोलापूर-विजयपूर मार्गावर ही घटना घडली. वडकबाळजवळ सीना नदीवर मोठा पूल आहेचालकाचे नियंत्रण सुटल्याने नंतर तिरक्या दिशेने निघालेली बस मोकळ्या शेतात गेली

सोलापूर : चालकाला अचानक चक्कर आल्याने एसटी बस रस्त्याच्या बाजूला थेट शेतात घुसली. ही घटना सोमवारी दुपारी सोलापूर-विजयपूर मार्गावर वडकबाळ येथे घडली. यात कोणतीही जीवितहानी झाली नाही.

सोलापूर ते बाळगी जाणारी बस विजयपूर महामार्गावरून जाताना वडकबाळजवळ चालकाला चक्कर आल्याने नियंत्रण सुटले. त्यामुळे ही बस रस्ता सोडून कडेला गेली. चालकाला काही सुचण्याच्या आधीच ती थेट शेतात घुसली. उभ्या पिकात गेल्यानंतर ती जागेवर थांबली. या प्रकाराने बसमधील प्रवासी चांगलेच भयभीत झाले. मात्र कोणालाही इजा झाली नाही अथवा जीवितहानी झाली नाही.

सोलापूर-विजयपूर मार्गावर ही घटना घडली. वडकबाळजवळ सीना नदीवर मोठा पूल आहे. त्या पूलापासून काही अंतरावर हा प्रकार घडला. पुलाजवळ घडला असता तर मोठा अनर्थ ओढवला असता. तसेच चालकाचे नियंत्रण सुटल्याने नंतर तिरक्या दिशेने निघालेली बस मोकळ्या शेतात गेली. त्याऐवजी बाजूला झाडाला धडकली असती तरीही गंभीर प्रसंग ओढवला असता.