Video - काय सांगता? 60 वर्षांचा नवरा अन् 25 वर्षीय नवरी; लग्नानंतर तरुणीची भन्नाट रिअ‍ॅक्शन 

Video - एक वृद्ध व्यक्ती नवरदेवाच्या पोशाखात बसलेली दिसत आहे. तर त्याच वेळी, नववधू त्याच्या शेजारी हसताना दिसत आहे.

नवी दिल्ली - सोशल मीडियावर दररोज नवनवीन हटके व्हि़डीओ हे तुफान व्हायरल होत असतात. सध्या लग्नाचा सीझन असल्याने बरेसचे व्हिडीओ हे लग्नातील गमती-जमती आणि भन्नाट प्रसंगावरील असतात. काही ना काही कारणाने ते तुफान व्हायरल होतात. लग्न करताना किंवा जमवताना अनेकदा नवरा-नवरीच्या जोड्या स्वर्गात तयार होतात असं म्हणतात. पण सध्या अशा एका वधू-वराचा व्हिडीओ व्हायरल होत आहे, जो पाहून तुम्हालाही आश्चर्य वाटेल अथवा धक्का बसेल. 

सोशल मीडियावर खूप व्हायरल झालेल्या या व्हिडीओमध्ये नवरदेवाचे वय हे 60 वर्षांपेक्षा जास्त असल्याचे दिसते. त्याच वेळी, नववधू मात्र जवळपास 25 वर्षांची असावी. दोघांच्या वयातील एवढं मोठं अंतर पाहूनन सर्वच जण हैराण झाले आहेत. या व्हिडीओमध्ये एक वृद्ध व्यक्ती नवरदेवाच्या पोशाखात बसलेली दिसत आहे. तर त्याच वेळी, नववधू त्याच्या शेजारी हसताना दिसत आहे.

हार घालण्याचा कार्यक्रम पूर्ण झाला आहे. यानंतर नवरा आणि नवरी दोघेही स्टेजवर बसलेले दिसतात. शेजारी बसलेल्या वधू-वराच्या वयात जवळपास 35 वर्षांपेक्षा जास्त अंतर असल्याचे पाहायला मिळते. वराला पाहून सर्वच जण त्याला बाबाजी म्हणतात. तसेच वराची दाढी पूर्णपणे पांढरी आहे. व्हिडीओ तयार करण्यासाठी कॅमेरामन नववधूकडे कॅमेरा वळवतो तेव्हा सर्वात मजेदार गोष्ट व्हिडीओमध्ये दिसते.

कॅमेरामनला पाहून नववधू लाजत असल्याचं व्हिडीओमध्ये दिसत आहे. यानंतर तिने तिचा चेहरा पदरामागे लपवला. bhutni_ke_memes या इन्स्टाग्राम पेजवरून हा व्हिडीओ अपलोड करण्यात आला आहे. व्हिडीओ पाहून काही लोक मुलगी गरीब असल्याचं सांगत आहेत. म्हणूनच तिने या वृद्ध व्यक्तीसोबत लग्न केलं असावं असं सांगण्यात येत आहे. मात्र हा व्हिडीओ नेमका कुठला आहे, हे कळू शकलेलं नाही. कदाचित हा व्हिडीओ एखादा प्रॅन्कही असू शकतो. एका हिंदी वेबसाईटने याबाबतचे वृत्त दिले आहे.