Video : हॉटेलच्या लेडीज टॉयलेटमध्ये शिरलं अस्वल आणि....
By ऑनलाइन लोकमत | Published: September 6, 2019 03:00 PM2019-09-06T15:00:51+5:302019-09-06T15:09:32+5:30
सोशल मीडियात नेहमीच अशा वेगवेगळ्या घटना व्हायरल होत असतात, ज्या लोकांना हैराण करून सोडतात.
Video : हॉटेलच्या लेडीज टॉयलेटमध्ये शिरलं अस्वल आणि....
सोशल मीडियात नेहमीच अशा वेगवेगळ्या घटना व्हायरल होत असतात, ज्या लोकांना हैराण करून सोडतात. एक अशीच आश्चर्यकारक घटना अमेरिकेतून समोर आली आहे. अमेरिकेतील मोंटाना शहरात ही घटना घडली. इथे एक अस्वल एका हॉटेलच्या लेडीज टॉयलेटमध्ये शिरलं होतं. हे पाहून हॉटेलचे कर्मचारी हैराण झाले.
मीडिया रिपोर्ट्सनुसार, 'बक टी-४ लॉज अ‍ॅन्ड रेस्टॉरन्ट' नावाचं हे हॉटेल नॅशनल फॉरेस्ट शेजारी आहे. त्यामुळे इथे वन-अधिकारी येत राहतात. असं पहिल्यांदाच झालं की, एखादं अस्वल हॉटेलच्या आत शिरलं असेल.
हॉटेलचे मॅनेजर आणि मालक डेवि़ड ओकॉनरने सांगितले की, अस्वल टॉयलेटच्या आत फसलं होतं. त्याने बाहेर येण्याचा प्रयत्न नक्कीच केला, पण खिडकी फारच वर होती. त्यामुळे तो बाहेर निघू शकला नाही. नंतर त्याला झोप आली आणि तिथंच झोपून राहीला.
पोलीस आणि वाइल्डलाइफच्या अधिकाऱ्यांनी अस्वलीला टॉयलेट बाहेर काढलं. त्याचं चेकअप केलं आणि त्याला पुन्हा जंगलात नेऊन सोडलं.
हॉटेलने गेल्या रविवारी त्यांच्या फेसबुक पेजवर या घटनेचा व्हिडीओ शेअर केला होता. हा व्हिडीओ आतापर्यंत ६९ हजार वेळा बघितला गेला आहे. तर ११०० पेक्षा जास्त लोकांनी हा व्हिडीओ शेअर केला आहे.
