Suresh Raina CSK, IPL 2022: MS Dhoni च्या फोटोवर हे काय लिहून बसला सुरेश रैना... तुफान व्हायरल होतेय त्याची 'ही' कमेंट
By ऑनलाइन लोकमत | Published: May 17, 2022 09:30 PM2022-05-17T21:30:49+5:302022-05-17T21:39:06+5:30
सुरेश रैनावर यंदा CSK ने बोली लावली नाही
Suresh Raina CSK, IPL 2022: MS Dhoni च्या फोटोवर हे काय लिहून बसला सुरेश रैना... तुफान व्हायरल होतेय त्याची 'ही' कमेंट
Next Suresh Raina MS Dhoni CSK, IPL 2022: यंदाच्या मेगा लिलावात सुरेश रैना 'अनसोल्ड' राहिला. CSK व्यवस्थापनाने देखील सुरेश रैनाला परत विकत घेतलं नाही. IPL 2022 मध्ये जेव्हा चेन्नईचा संघ पराभूत झाला, त्यावेळी चाहत्यांनी सर्वाधिक वेळा सुरेश रैनाचीच आठवण काढली. पण सध्या मिस्टर आयपीएल या नावाने प्रसिद्ध असलेल्या रैनाने नुकतीच सोशल मीडियावर एक कमेंट केली. ती कमेंट चांगलीच व्हायरल झाली आणि त्यामुळे तो सध्या चर्चेत आहे.
सुरेश रैनाने यंदाच्या हंगामात समालोचन करताना चेन्नई संघाचे कौतुक केले. पण अलीकडेच CSKने धोनीबाबत इंस्टाग्राम हँडलवर एक खास पोस्ट टाकली होती. संघाचा माजी खेळाडू रैनानेही या पोस्टवर कमेंट केली. सीएसकेने पोस्टवर लिहिले की, 'जेव्हा धोनी मैदानात येतो तेव्हा लोक धोनी-धोनी ओरडतात आणि यापेक्षा चांगलं काहीच नसतं.' CSKने ही पोस्ट केल्यानंतर रैनाने कमेंटमध्ये लिहिले की, 'धोनीशिवाय सीएसकेची कल्पना करून बघा.' यासोबतच त्याने काही इमोजीदेखील वापरले. पण ही कमेंट चांगलीच व्हायरल झाली.
सुरेश रैनाने अशी कमेंट का केली, त्याच्या या कमेंट मागील अर्थ काय याचा नीटसा अंदाज कोणालाच लावता आला नाही. पण रैनाच्या कमेंटवर अनेकांनी रिप्लाय दिला. रैनाच्या कमेंटवर पूर्णपणे एकतर्फी प्रतिक्रिया दिसल्या नाहीत. काहींनी त्याच्या कमेंटवर नाराजी व्यक्त केली, तर काहींनी त्याच्या वृत्ताचा धागा पकडत धोनी आणि रैना यांच्याबाबतचे रिप्लाय दिले.