"मंदिराच्या समोर आल्यावर फोन करा", डिलिव्हरी पॅकेटवरचा पत्ता पाहून चक्रावून जाल

By ऑनलाइन लोकमत | Published: July 10, 2020 03:42 PM2020-07-10T15:42:06+5:302020-07-10T15:57:53+5:30

सोशल मीडियावर सातत्याने नवनवीन ट्रेंड येत असतात. विविध गोष्टी या जोरदार व्हायरल होत असतात.

strange address on delivery packag made netizens laugh | "मंदिराच्या समोर आल्यावर फोन करा", डिलिव्हरी पॅकेटवरचा पत्ता पाहून चक्रावून जाल — "मंदिराच्या समोर आल्यावर फोन करा", डिलिव्हरी पॅकेटवरचा पत्ता पाहून चक्रावून जाल

नवी दिल्ली - सोशल मीडियाचा वापर हा हल्ली मोठ्या प्रमाणात केला जात आहे. सोशल मीडियावर सातत्याने नवनवीन ट्रेंड येत असतात. विविध गोष्टी या जोरदार व्हायरल होत असतात. अशीच एक गोष्ट सध्या तुफान व्हायरल होत आहे. एका पॅकेटवरील पत्त्याचा भन्नाट फोटो अल्पावधीतच लोकप्रिय झाला आहे. घरबसल्या ऑनलाईन शॉपिंग करण्याकडे सर्वांचा कल असतो. मात्र डिलिव्हरीसाठी घराचा पत्ता अचूक देणं अत्यंत आवश्यक असतं. अशाच एका डिलिव्हरी पॅकेटवरील पत्त्याने सर्वांचंच लक्ष वेधून घेतलं आहे.

एखादी वस्तू ऑनलाईन मागवल्यानंतर राहण्याचं ठिकाण, इमारतीचं नाव अशा सर्व गोष्टी सामान्यत: दिल्या जातात. जेणेकरून मागवण्यात आलेली वस्तू घरपोच येण्यास मदत होते. राजस्थानमधील एका व्यक्तीने शॉपिंग साईटवरून काही सामान ऑर्डर केलं. मात्र यावरील मजेशीर पत्ता पाहून चक्रावून जाल. 448 छठ माता मंदिर, मंदिराच्या समोर आल्यावर लगेचच फोन करा, मी येईन, शिवपूरा असा पत्ता देण्यात आला आहे. सध्या या पत्त्याचा फोटो सोशल मीडियावर जोरदार व्हायरल होत आहे.

नेटिझन्सनी या व्हायरल फोटोवर भन्नाट प्रतिक्रिया दिल्या आहे. ट्विटरवर काही जणांनी हा फोटो ट्विट केला असून अनेकांनी ते रिट्विट केलं आहे. तसेच मजेशीर कमेंट्स दिल्या आहेत. सोशल मीडियावर अशा अनेक गोष्टी सातत्याने व्हायरल होत असतात. काही दिवसांपूर्वी एका लग्नसोहळ्याचा एक व्हिडीओ सोशल मीडियावर तुफान व्हायरल झाला होता. यामध्ये लग्नात चक्क नवरी लॅपटॉप घेऊन काम करताना दिसली. 'तुम्हाला जर तुमचं काम खूप वाटत असेल तर हा व्हिडीओ पाहा' असं म्हणत हा व्हिडीओ शेअर करण्यात आला होता.

लग्नापेक्षा काम महत्त्वाचं... जोरदार व्हायरल होणारा 'हा' भन्नाट व्हिडीओ पाहिलात का?https://t.co/Wuw96sIxcm #SocialMedia #Video #marriage
— Lokmat (@MiLOKMAT) July 7, 2020

थंडगार आईस्क्रिम तोंडात जाताच मनीमाऊने केलं असं काही की पाहून आवरणार नाही हसूhttps://t.co/ZMR0YDEQ60 #SocialMedia #Cat #VideoViral
— Lokmat (@MiLOKMAT) June 16, 2020