"रोहित शेट्टीजी तुम्हाला आता अणुबॉम्बची गरज भासेल...", आनंद महिंद्रा यांचं 'ते' ट्विट व्हायरल

Anand Mahindra : आनंद महिंद्रा यांनी शेअर केलेले प्रेरणादायी व्हिडिओ (Inspiring Video) ट्विटरवर खूप ट्रेंड करत असतात. 

मुंबई : उद्योगपती आनंद महिंद्रा (Anand Mahindra) सोशल मीडियावर खूप अॅक्टिव्ह असतात. आनंद महिंद्रा यांच्या व्यावसायिक कौशल्याव्यतिरिक्त लोक त्यांच्या सेंस ऑफ ह्यूमरचे सुद्धा चाहते  (Fan)आहेत. अशातच आनंद महिंद्रा यांनी शेअर केलेले प्रेरणादायी व्हिडिओ (Inspiring Video) ट्विटरवर खूप ट्रेंड करत असतात. 

महिंद्राच्या नव्या एसयूव्हीबाबत गेल्या अनेक दिवसांपासून इंटरनेट आणि सोशल मीडियावर चर्चा सुरू होती. आता कंपनीने एसयूव्हीचे नाव आणि फर्स्ट लुक रिलीज केला आहे. महिंद्राची एसयूव्ही महिंद्रा स्कॉर्पिओ एन (Mahindra Scorpio N) या नावाने बाजारात येणार आहे. याच पार्श्वभूमीवर आनंद महिंद्रा यांनी दिग्दर्शक रोहित शेट्टी यांना अनुसरून एक ट्विट केले आहे. "रोहित शेट्टीजी, गाडी उडवण्यासाठी तुम्हाला आता एका अणुबॉम्बची आवश्यकता भासेल....", असे ट्विट आनंद महिंद्रा यांनी केले आहे. त्यांचे हे ट्विट मोठ्या प्रमाणात व्हायरल होत आहे.  

Rohit Shetty ji, is gaadi ko udaane ke liye aap ko ek nuclear bomb ki aavashyakata hogi…🙂 #BigDaddyOfSUVs#MahindraScorpioNhttps://t.co/wfmVihUvoE

— anand mahindra (@anandmahindra) May 21, 2022

दरम्यान, रोहित शेट्टी हे बॉलिवूडमधील अॅक्शन दिग्दर्शक म्हणून ओळखले जातात. त्यांच्या प्रत्येक चित्रपटात प्रेक्षकांना आश्चर्यचकित करणारे स्टंट आणि धमाकेदार अॅक्शन सीन्स पाहायला मिळतात. त्यांच्या प्रत्येक चित्रपटात प्रेक्षकांना गाड्यांवरील स्टंट पाहायला मिळतात. या अनोख्या शैलीतून त्याने बॉलिवूडमध्ये आपले एक वेगळेच स्थान प्रस्थापित केले आहे.  'जमीन', 'गोलमाल', 'संडे', 'गोलमाल रिटर्न्स', 'ऑल द बेस्टः फन बिगिन्स', 'गोलमाल 3', 'सिंघम', 'बोल बच्चन', 'चेन्नई एक्सप्रेस', 'सिंघम रिटर्न्स' यांसारखे अनेक सुपरहिट चित्रपटांचे त्यांनी दिग्दर्शन केले आहे. 

महिंद्रा स्कॉर्पिओ एन लवकरच येणार बाजारात
महिंद्राची एसयूव्ही महिंद्रा स्कॉर्पिओ एन (Mahindra Scorpio N) या नावाने बाजारात येणार आहे. नवीन टीझर व्हिडिओमध्ये कंपनीने पहिल्यांदाच कारची संपूर्ण झलक दाखवली आहे. या महिंद्रा कारच्या जाहिरात बॉलीवूडचे बिगबी अमिताभ बच्चन (BigB Amitabh Bachchan) यांचा आवाज आहे. नवीन टीझरमध्ये अमिताभ बच्चन यांना 'मुबारक हो, बाप हुआ है!' म्हणताना ऐकू शकता. नवीन  Mahindra Scorpio N चेन्नईतील महिंद्रा रिसर्च व्हॅलीमध्ये (Mahindra Research Valley) तयार करण्यात आली आहे. तसेच, हे डिझाइन मुंबईतील महिंद्रा इंडिया डिझाइन स्टुडिओमध्ये ( Mahindra India Design Studio) करण्यात आले आहे. कंपनी 27 जून रोजी Mahindra Scorpio N लाँच करणार आहे. त्याच दिवशी कारची किंमत जाहीर होणार असल्याचे समजते.

The name is enough. #BigDaddyOfSUVs

Know more: https://t.co/g8nzwE53Ndpic.twitter.com/rPo3V02QrY

— Mahindra Scorpio (@MahindraScorpio) May 20, 2022

अनेक फीचर्स पाहायला मिळतील
नवीन Mahindra Scorpio N चे इंजिन आणि फीचर्सची माहिती अजून समोर आलेली नाही, पण नवीन व्हिडिओ सोबत कारचा लूक समोर आला आहे. यात नवीन एलईडी हेडलॅम्प, सी-आकाराचे एलईडी डीआरएल आणि एलईडी फॉग लॅम्प असतील. कारचा लूक अतिशय स्पोर्टी आहे, तर समोरच्या ग्रिलमुळे ते खूप बोल्ड आहे. Mahindra Scorpio N बाबत आणखी काही संकेत देखील समोर आले आहेत. जसे की कारची बॉडी लाइन कर्व्ही आहे. यात स्पोर्टी अलॉय व्हील्स आहेत, जे काहीसे XUV700 सारखे दिसतात. ही डी-सेगमेंटची कार आहे. त्यामुळे यामध्ये पॉवरफुल डिझेल इंजिन मिळू शकते. याचबरोबर, कारचा इनर स्पेस देखील वाढविण्यात आला आहे. यासोबतच अनेक फ्युचरिस्टिक फीचर्सही यात पाहायला मिळतील. याशिवाय, नवीन Mahindra Scorpio N मध्ये तुम्हाला सनरूफ, ऑटोमॅटिक ORVM, छतावरील साइड रेल्स आणि शार्क अँटेना यांसारखे फीचर्स पाहायला मिळतील. तसे, कारच्या मागील बाजूस ब्रेक लाईट दरवाजाच्या वर देण्यात आला आहे. तर टेल लाइट देखील सी-आकारात असतील.