"काही न करता तुम्ही इतके पैसे कसे कमवता?"; 'द कपिल शर्मा शो'मधील राज कुंद्राचा 'तो' Video तुफान व्हायरल
By ऑनलाइन लोकमत | Published: July 20, 2021 12:35 PM2021-07-20T12:35:07+5:302021-07-20T14:39:11+5:30
Raj kundra Arrest And Viral Video : राज कुंद्राच्या अटकेनंतर "द कपिल शर्मा" शोमधील एक व्हिडीओ सोशल मीडियावर जोरदार व्हायरल होत आहे.
"काही न करता तुम्ही इतके पैसे कसे कमवता?"; 'द कपिल शर्मा शो'मधील राज कुंद्राचा 'तो' Video तुफान व्हायरल
Next मुंबई - पोर्नोग्राफी कंटेंट प्रकरणात दोषी आढळल्याने मुंबई पोलिसांच्या क्राईम ब्रँचने अभिनेत्री शिल्पा शेट्टीचे (Shilpa Shetty) पती राज कुंद्रा याला सोमवारी रात्री अटक केली. या कारवाईमुळे बॉलिवूडमध्ये खळबळ उडाली आहे. (Raj kundra arrest) राज कुंद्रा याच्याविरोधात यावर्षी फेब्रुवारी महिन्यात पोर्नोग्राफीक कंटेट बनवल्याच्या आणि तो अ‍ॅपच्या माध्यमातून प्रसारित केल्याप्रकरणी गुन्हा नोंद करण्यात आला होता. अशा प्रकरणात आरोपीविरोधात आयटी अ‍ॅक्ट आणि आयपीसीच्या विविध कलमांखाली गुन्हा नोंद होतो. तसेच गुन्हा सिद्ध होऊन आरोपीला दोषी ठरवले गेले तर त्याला अनेक वर्षे तुरुंगात राहावे लागू शकते. याच दरम्यान राज कुंद्राच्या अटकेनंतर "द कपिल शर्मा" शोमधील एक व्हिडीओ सोशल मीडियावर जोरदार व्हायरल होत आहे.
कपिल शर्माने आपल्या कार्यक्रमात राज कुंद्राला त्याच्या उत्पन्नाबद्दल विचारेल्या एका प्रश्नाचा व्हिडीओ सध्या वेगाने व्हायरल होत आहे. या व्हिडीओमध्ये अभिनेत्री शिल्पा शेट्टीने पती राज कुंद्रा आणि बहीण शमितासोबत "द कपिल शर्मा शो" मध्ये हजेरी लावली होती. कपिल शर्मा राज कुंद्राला म्हणतो की "तुम्ही कधी सेलिब्रिटींसोबत फूटबॉल मॅच खेळताना दिसता, कधी फ्लाईटमध्ये तर कधी शिल्पासोबत शॉपिंग करताना दिसतात. पण जरा आम्हाला देखील सांगा काही न करता तुम्ही इतके पैसे कसे कमवता?".
शिल्पा शेट्टी के पति राज कुंद्रा को क्राइम ब्रांच ने
— Dessie Aussie 🇮🇳🇭🇲 (@DessieAussie) July 19, 2021
अश्लील फिल्में बनाने के आरोप मे किया गिरफ्तार.
Finally everyone got the right answer of the question asked by kapil sharma on #TheKapilSharmaShow many years ago.#RajKundra#shilpashettykundra#RajKundraArrestpic.twitter.com/TcMFujKiyu
कपिलच्या या प्रश्नानंतर शोमध्ये सर्वच जण हसायला लागतात. शिल्पा शेट्टी आणि स्वत: राज कुंद्रा देखील यावर खूप हसतात. मात्र नंतर कपिलच्या या प्रश्नावर शिल्पाने पतीची बाजू सावरत राज कुंद्रा खूप मेहनत घेत असल्याचं म्हटलं आहे. सध्या हा व्हिडीओ सोशल मीडियावर जोरदार व्हायरल होत आहे. एका हिंदी वेबसाईटने याबाबतचे वृत्त दिले आहे. राज कुंद्रावर मोबाईल अ‍ॅपच्या माध्यमातून पॉर्न चित्रपट तयार करून विकल्याच आरोप आहे. राजविरूद्ध आपल्याकडे ठोस पुरावे असल्याचा दावा पोलिसांनी केला आहे. राजने आपल्या एका नातलगासोबत मिळून एक कंपनी सुरू केली होती. ही कंपनी पॉर्न कंटेंटसाठी अनेक एजंटला कॉन्ट्रॅक्ट द्यायची, असाही आरोप आहे. आता या प्रकरणी आणखी एक धक्कादायक माहिती समोर आली आहे. राजचे व्हॉट्सअ‍ॅप चॅट पोलिसांच्या हाती लागले आहे.
पोर्नोग्राफीच नाही तर राज कुंद्रा आधीही सापडलाय वादात, आयपीएलपासून अंडरवर्ल्डपर्यंत झाले आहेत असे गंभीर आरोप https://t.co/4pBUsVKTLb
— Lokmat (@MiLOKMAT) July 20, 2021
राज के ‘राज’! ‘या’ व्हॉट्सअ‍ॅप चॅटमुळे राज कुंद्रा आला पोलिसांच्या रडारवर
राजने त्याचा नातलग प्रदीप बख्शीसोबत मिळून लंडनमध्ये केनरिन (Kenrin) नावाची प्रॉडक्शन कंपनी सुरू केली होती. या कंपनीचा राज कुंद्रा अध्यक्ष आहे शिवाय बिझनेस पार्टनरही आहे. सूत्रांनी दिलेल्या माहितीनुसार, राज अप्रत्यक्षपणे या कंपनीचा मालक आणि गुंतवणूकदारही आहे. याच कंपनीच्या माध्यमातून अनेक एजंटला पॉर्न कंटेंट बनवण्याचे कॉन्ट्रॅक्ट दिले जायचे. एका व्हॉट्सअ‍ॅप ग्रूपच्या माध्यमातून या कॉन्ट्रॅक्टबद्दल चर्चा व्हायची. ‘H Accounts’ नावाच्या या व्हाट्सअ‍ॅप ग्रूपमध्ये पाच लोक होते. यात राज कुंद्राही होता. या ग्रूपवरचे व्हाट्सअ‍ॅप चॅट पोलिसांच्या हाती लागले आहेत. यामुळेच राज कुंद्राला अटक झाली आहे. एका प्रदीप बक्षी नावाच्या व्यक्तीशी राजने व्हाट्सअप चॅट केले आहेत. यामध्ये राज आणि प्रदीप यांच्यात पॉर्न कंटेंटबद्दल चर्चा झाली होती. यातून होणा-या नफ्यावरसुद्धा व्हाट्सअप चॅट करण्यात आले होत. पॉर्न फिल्ममध्ये काम करणा-या अभिनेत्रींनी किती रक्कम घेतली यावरही या चॅटमध्ये चर्चा झाली होती.
राज कुंद्राला सोमवारी रात्री अश्लील फिल्म्स तयार करणे आणि त्या अॅपवर टाकणे या आरोपाखाली अटक करण्यात आली आहे.#RajKundra#shilpashetty#bollywoodhttps://t.co/T4udGv2iSB
— Lokmat (@MiLOKMAT) July 20, 2021