तीन हिंस्त्र चित्त्यांसोबत गळ्यात हात घालून आरामात झोपलाय हा माणूस, व्हिडिओ पाहुन होईल थरकाप!

हे जितक्या सहज घडतंय तितकं काही हे सहज आपल्याला वाटत नाही. व्हिडिओ पाहताना प्रत्येक क्षणाला आपली धडधड वाढत जाते. हा व्हिडिओ पाहुन तुम्हाला काही क्षणांसाठी हे खरचं घडतंय यावर विश्वास ठेवणंही कठीण होईल.

असं म्हणतात माणसाची मदत केली तर तो तुमचे उपकार विसरुन जाईल पण प्राण्यांना लळा लावला तर ते त्याहुनही जास्त प्रेम तुम्हाला देतील. मग प्राणी पाळीवच असले पाहिजेत असं गरजेच नाही आपण सोशल मिडियावर असे अनेक व्हिडिओज पाहतो ज्यात जंगली प्राण्यांनाही माणसांनी लळा लावलाय आणि ते तितक्याच प्रेमाने त्यांच्याशी वागतायत. टीव्हीवर तर याचे अनेक माहितीपटही तुम्ही पाहिले असतील. या डॉक्यूमेंट्रीजमध्ये हे प्राणी त्यांच्या मालकांच्या अंगावर अगदी खेळत, बागडत असतात. मात्र एक असा व्हिडिओ सध्या सोशल मिडियावर व्हायरल होतोय ज्यात तब्बल तीन चित्ते त्यांच्या मालकाला मिठी मारुन झोपले आहेत. हा व्हिडिओ कॉमेडियन सुनील ग्रोव्हर याने इस्टाग्रामवर शेअर केला आहे.

या व्हिडिओत तुम्ही पाहु शकता की रात्रीची वेळ आहे आणि एक माणूस चादर घेऊन झोपला आहे. त्याच्या बाजूला तीन चित्ते झोपले आहेत. त्यापैकी एका चित्त्याला थंडी वाजते. तो उठतो आणि मालकाच्या चादरीत येऊन झोपतो. त्या माणसाने त्या चित्त्याच्या गळ्यात पोटच्या लहान मुलाप्रमाणे हात घातलाय. त्यानंतर थोड्यावेळाने दुसरा चित्ता उठतो. त्यालाही कदाचित थंडी वाजत असते. तो मालकाच्या पायाजवळ येऊन झोपतो. मग तिसरा चित्ताही उठतो तो दोन चित्त्यांच्यामध्ये असलेल्या जागेत मालकाच्या कुशीत जाऊन झोपतो.

हे जितक्या सहज घडतंय तितकं काही हे सहज आपल्याला वाटत नाही. व्हिडिओ पाहताना प्रत्येक क्षणाला आपली धडधड वाढत जाते. हा व्हिडिओ पाहुन तुम्हाला काही क्षणांसाठी हे खरचं घडतंय यावर विश्वास ठेवणंही कठीण होईल. हा व्हिडिओ कुठला आहे याबाबत काही माहिती कॅप्शनमध्ये दिलेली नाही. पण हा व्हिडिओ पोस्ट करून एक दिवसही झाला नसेल तोच दिड लाखाच्या वर व्हिव्ज या व्हिडिओला मिळाले आहेत. अनेकजण यावर प्रतिक्रियाही व्यक्त करत आहेत.