कुत्रा अन् शेळीची तुंबळ हाणामारी, कुत्र्याला शेळीने शिकवला असा धडा की कुत्र्याने काढला पळ

By ऑनलाइन लोकमत | Published: December 7, 2021 11:57 AM2021-12-07T11:57:49+5:302021-12-07T12:01:45+5:30

शेळी हा असा प्राणी की तो गायीपेक्षाही गरीब असे आपण म्हणू शकतो. पण तुम्ही कधी कल्पना करु शकता का की शेळी कुत्र्याची पळता भुई थोडी करेल? नाही ना? मग हा व्हिडिओ एकदा बघाच...

goat trashes dog video goes viral on social media | कुत्रा अन् शेळीची तुंबळ हाणामारी, कुत्र्याला शेळीने शिकवला असा धडा की कुत्र्याने काढला पळ

कुत्रा अन् शेळीची तुंबळ हाणामारी, कुत्र्याला शेळीने शिकवला असा धडा की कुत्र्याने काढला पळ

Next

प्राणी म्हटलं की त्यांच्या कोण जास्त हिंस्त्र, पाळीव असे विभाग केले जातात. मात्र, कुत्रा हा पाळीव प्राणी असला तरी त्याच्या भुंकण्यामुळे आणि चावण्याच्या भीतीने भलेभले त्याला घाबरतात. त्यात शेळी हा असा प्राणी की तो गायीपेक्षाही गरीब असे आपण म्हणू शकतो. पण तुम्ही कधी कल्पना करु शकता का की शेळी कुत्र्याची पळता भुई थोडी करेल? नाही ना? मग हा व्हिडिओ एकदा बघाच...

व्हिडिओमध्ये तुम्ही पाहू शकता की एका घराबाहेर शेळी अन् कुत्र्याची लढाई सुरु आहे. कुत्र्याला पाहून शेळीचा राग अनावर झाला आह. ती टेबलाखाली असलेल्या कुत्र्याला शिंगाने मारू लागते. कुत्रा टेबलखालून बाहेर निघून पळण्याचा प्रयत्न करतो. मात्र, तो बाहेर येताच शेळी पुन्हा त्याला मारू लागते. अखेर कुत्रा आपला जीव वाचवून तिथून पळ काढतो.

इन्स्टाग्रामवर हा व्हिडिओ asupan.reels.hewani नावाच्या अकाऊंटवरुन शेअर केला गेला आहे. आतापर्यंत व्हिडिओला १ लाख ७९ हजारहून अधिक व्ह्यूज मिळाले आहेत. तर ५ हजारहून अधिकांनी हा व्हिडिओ लाईक केला आहे. अनेकांनी या व्हिडिओवर निरनिराळ्या कमेंटही केल्या आहेत. एका यूजरने लिहिलं, कोणीतरी या कुत्र्याची मदत करा. तर दुसऱ्याने हा व्हिडिओ भयंकर असल्याचं सांगितलं. तर काही यूजर्सनी ही मजेची बाब नसल्याचं म्हटलं आहे. शेळी कुत्र्याला वाईट पद्धतीने मारत असून ही हसण्यासारखी बाब नसल्याचं लोकांचं म्हणणं आहे.

Web Title: goat trashes dog video goes viral on social media

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.