सोनाराच्या दुकानात चोरी करायला गेले अन् दुकानदाराच्याच जाळ्यात अडकले, कुत्र्याने घेतला चावा

By ऑनलाइन लोकमत | Published: October 8, 2021 11:32 AM2021-10-08T11:32:45+5:302021-10-08T11:32:57+5:30

एक कपल अगदी श्रीमंत असल्याच्या थाटात तयार होऊन सोनाराच्या दुकानात जातं. मात्र ते दोघे असतात चोर. ते चोरी करायला जातातही पण दुकानाच्या मालकाच्या युक्तीसमोर त्यांचा प्लॅन फोल ठरतो...

couple goes to goldsmith shop for theft gets caught and attacked by dog viral video | सोनाराच्या दुकानात चोरी करायला गेले अन् दुकानदाराच्याच जाळ्यात अडकले, कुत्र्याने घेतला चावा

सोनाराच्या दुकानात चोरी करायला गेले अन् दुकानदाराच्याच जाळ्यात अडकले, कुत्र्याने घेतला चावा

Next

चोरीच्या अनेक घटना आपल्याला पाहायला मिळतात. अनेकदा या घटना सीसीटीव्हीमध्ये (CCTV) कैद झाल्यानं व्हायरल होतात. आता असाच एक व्हिडिओ समोर आला आहे. यात दिसतं, की एक कपल अगदी श्रीमंत असल्याच्या थाटात तयार होऊन सोनाराच्या दुकानात जातं. मात्र ते दोघे असतात चोर. ते चोरी करायला जातातही पण दुकानाच्या मालकाच्या युक्तीसमोर त्यांचा प्लॅन फोल ठरतो...

व्हिडिओमध्ये दिसतं, की हे कपल सोनाराच्या दुकानात जातं. यातील पुरुष सूटाबूटात दिसला तर महिलेनं गाउन घातलेला होता. आपल्या आउटफिटला सूट होणारा मेकअप तिनं केला होता. व्हिडिओमध्ये तुम्ही पुढे पाहू शकता, की सोनारच्या दुकानात जात हे दोघंही वेगवेगळे दागिने बघतात. दोघंही दुकानात प्रवेश करतात तेव्हा त्यांच्या हातात एक रिकामा गिफ्टचा बॉक्स असतो. काही वेळात पुरुष दुकानदाराला बोलण्यात गुंतवतो आणि महिला रिकामा बॉक्स उचलून बाजूला ठेवते.

काही वेळानंतर दोघंही असं नाटक करतात की दुकानात त्यांना काहीच आवडलं नाही. त्यामुळे आता ते बाहेर पडण्याच्या तयारीत असतात. जेव्हा ते बाहेर पडू लागतात तेव्हा महिला गिफ्ट बॉक्ससोबत सोन्याचा हारही उचलते आणि पुढे जाते. मात्र, यादरम्यान एक मजेशीर घटना घडते. ही महिला जेव्हा बॉक्सहीत हार उचलते तेव्हा ती याकडे लक्ष देत नाही की या हारासोबत एक दोरी बांधललेली आहे. यामुळे महिला पुढे निघताच दुकानदाराला समजतं, की हे दोघंही चोरी करण्यासाठी आले आहेत.

शेवटी महिला तिच्यासोबत असलेल्या पुरुषाच्या हातात हा बॉक्स देते आणि तिथून पळ काढते. यानंतर दुकानात असलेला कुत्रा या व्यक्तीवर हल्ला करतो. सोशल मीडिया यूजर्स या व्हिडिओवर निरनिराळ्या प्रतिक्रिया देत आहेत. अनेक प्लॅटफॉर्मवर हा व्हिडिओ शेअर केला गेला आहे. अनेकांनी दुकानदारानं लढवलेली शक्कल पाहून त्याचं कौतुक केलं आहे.

Web Title: couple goes to goldsmith shop for theft gets caught and attacked by dog viral video

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.