खेकड्यासोबत पंगा घेणं मांजरीला पडलं महागात, व्हायरल व्हिडीओ पाहून पोट धरून हसाल....

व्हायरल झालेल्या या फनी व्हिडीओमध्ये बघितलं जाऊ शकतं की, एक मांजर शांत बसलेल्या खेकड्याला पंजाने डिवचत आहे. तरी खेकडा बराचवेळी शांत बसला आहे.

तुम्ही सोशल मीडियावर मांजरींचे अनेक व्हिडीओ पाहिले असतील. त्यात त्यांची मस्ती आणि विचित्र वागणूकही तुम्हाला पसंत आली असेल. सध्या सोशल मीडियावर एक व्हिडीओ चांगलाच व्हायरल होत आहे. या व्हिडीओत एक मांजर एका खेकड्यासोबत मस्ती करत असते. पण अचानक असं काही होतं की, तुम्ही बघून जोरजोरात हसू लागाल.

व्हायरल झालेल्या या फनी व्हिडीओमध्ये बघितलं जाऊ शकतं की, एक मांजर शांत बसलेल्या खेकड्याला पंजाने डिवचत आहे. तरी खेकडा बराचवेळी शांत बसला आहे. पण मांजर काही त्याची छेड काढणं थांबवत नाही. मांजर खेकड्याला बघून फारच आश्चर्यचकित झाली आहे. बहुतेक तिने पहिल्यांदाच असा जीव बघितला असेल.

मांजर पुन्हा पुन्हा पंजा मारत असल्याचं पाहून आणि ती शांत न बसत असल्याचं पाहून खेकडा संतापतो. आणि मांजरीला धडा शिकवण्याचा निश्चय करतो. त्यानंतर मांजर जशी त्याला छेडण्यासाठी पंजा पुढे करत खेकडा मांजरीचा पंजा आपल्या नांगीत जोराने पकडतो. त्यानंतर मांजरीचं जे होतं ते पाहून तुम्हालाही हसू आवरणार नाही. 

It pays to mind one's own business! pic.twitter.com/z6j2STxqiw

— Aviator Anil Chopra (@Chopsyturvey) January 22, 2021

हा व्हिडीओ ट्विटर यूजर अनिल चोप्रा यांनी पोस्ट केला आहे. पोस्टच्या कॅप्शनमध्ये त्यांनी लिहिले की, 'हे बघून लक्षात येतं की, आपण आपल्या कामाशी काम ठेवावं'.

हा व्हिडीओ सोशल मीडियावर व्हायरल झाला असून आतापर्यंत २३०० पेक्षा जास्त वेळा बघितला गेला आहे. लोक यावर मोठ्या प्रमाणात लाइक्स आणि कमेंट्सही करत आहेत.