corona virus -गोव्यातून सिंधुदुर्ग जिल्ह्यात येणाऱ्या विदेशी पर्यटकांची तपासणी

By लोकमत न्यूज नेटवर्क | Published: March 21, 2020 04:20 PM2020-03-21T16:20:35+5:302020-03-21T16:22:01+5:30

गोव्यातून सिंधुदुर्ग जिल्ह्यात येणाऱ्या १४ विदेशी पर्यटकांची तपासणी करून त्यांना पुन्हा गोव्यात पाठविण्यात आले. गुरुवारी दिवसभरात जिल्ह्याबाहेरील वाहनांमधून आलेल्या ६० जणांची वैद्यकीय पथकांकडून तपासणी करण्यात आली.

corona virus - Investigation of foreign tourists coming from Goa to Sindhudurg district | corona virus -गोव्यातून सिंधुदुर्ग जिल्ह्यात येणाऱ्या विदेशी पर्यटकांची तपासणी

इन्सुली तपासणी नाक्यावर विदेशी पर्यटकांची तपासणी करण्यात आली.

Next
ठळक मुद्देगोव्यातून सिंधुदुर्ग जिल्ह्यात येणाऱ्या विदेशी पर्यटकांची तपासणीजिल्ह्याबाहेरील वाहनांमधून आलेल्या ६० जणांची वैद्यकीय पथकांकडून तपासणी

बांदा : गोव्यातून सिंधुदुर्ग जिल्ह्यात येणाऱ्या १४ विदेशी पर्यटकांची तपासणी करून त्यांना पुन्हा गोव्यात पाठविण्यात आले. दिवसभरात जिल्ह्याबाहेरील वाहनांमधून आलेल्या ६० जणांची वैद्यकीय पथकांकडून तपासणी करण्यात आली.

जगभरात धुमाकूळ घालणाऱ्या कोरोना विषाणूचा संसर्ग जिल्ह्यात होऊ नये यासाठी जिल्हा प्रशासनाने गोवा सीमेवर इन्सुली व पत्रादेवी येथे वैद्यकीय पथके तैनात केली आहेत. रत्नागिरी जिल्ह्यात कोरोना पॉझिटिव्ह रुग्ण सापडल्याने जिल्हा प्रशासनाने याची गंभीर दखल घेतली आहे. यासाठी गोव्यातून येणाºया विदेशी पर्यटकांना जिल्ह्यात येण्यास मनाई करण्यात आली आहे.

इन्सुली तपासणी नाक्यावर रशियन पर्यटक जोडपे इशारा करूनही न थांबल्याने पोलिसांनी त्यांना अडवून त्यांची तपासणी केली. इन्सुली नाक्यावर दिवसभरात पुणे, कोल्हापूर, मुंबई येथील ३९ पर्यटकांची तपासणी केली.

या ठिकाणी गोव्यातून जिल्ह्यात येणाऱ्या १२ विदेशी पर्यटकांची तपासणी करून त्यांना गोव्यात माघारी पाठविण्यात आले. तर पत्रादेवी तपासणी नाक्यावर २६ पर्यटकांची तपासणी करण्यात आली. तसेच याठिकाणी २ विदेशी पर्यटकांची तपासणी करून त्यांना गोव्यात पाठविण्यात आले.

 

Web Title: corona virus - Investigation of foreign tourists coming from Goa to Sindhudurg district

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.