हिवाळ्यात तुळस हिरवीगार ठेवण्यासाठी ५ उपाय- भराभर वाढून तुळस होईल डेरेदार...

हिवाळा सुरू झाला की अनेक ठिकाणी तुळशीची पानं गळायला लागतात आणि तिच्या अगदी काड्या काड्याच दिसू लागतात. असं होऊ नये म्हणून पुढे सांगितलेल्या काही गोष्टी करून पाहा..

तुळशीला आलेल्या मंजिरी लगेचच काढून टाकाव्या. मंजिरी काढल्या नाहीत तर तुळशीची वाढ खुंटत जाते.

तुळशीच्या रोपाला खूप पाणी घालू नये. कुंडीतली माती कोरडी झाली आहे, असे दिसल्यासच पाणी घालावे. पाणी जास्त झाल्यास मुळं सडून तुळस खराब होऊ लागते.

हिवाळ्यात कुंडीतल्या मातीवर वर्तमान पत्राचा पेपर, वाळलेली पानं असं काही टाकून ठेवा. यामुळे माती जास्त थंड पडणार नाही.

रात्रीच्यावेळी तुळशीवर एखादा प्लास्टिकचा जाड कपडा किंवा सुती कपडा टाकून ठेवा. यामुळे तिला थेाडं उबदार वाटेल.

तुळशीचं रोप अशा ठिकाणी ठेवा जिथे तिला ४ ते ५ तास कडक ऊन मिळेल. या गोष्टींची काळजी घेतल्यास तुळस सुकणार नाही.