>आरोग्य >गरोदरपण > घरच्याघरी प्रेगन्सी टेस्ट, ती पॉझिटिव्ह आली की गर्भपाताच्या गोळ्या घेऊन मोकळे ?- सावधान, जीवाला धोका आहे..

घरच्याघरी प्रेगन्सी टेस्ट, ती पॉझिटिव्ह आली की गर्भपाताच्या गोळ्या घेऊन मोकळे ?- सावधान, जीवाला धोका आहे..

फोनवर डॉक्टरांकडे गर्भपाताच्या गोळ्या मागणं, प्रेंग्नंट आहोत हे लपवणं अत्यंत धोकादायक आहे ! डॉक्टरांना भेटा, वैद्यकीय सल्ला घ्या..

By लोकमत न्यूज नेटवर्क | Published: April 19, 2021 05:24 PM2021-04-19T17:24:42+5:302021-04-20T13:50:15+5:30

फोनवर डॉक्टरांकडे गर्भपाताच्या गोळ्या मागणं, प्रेंग्नंट आहोत हे लपवणं अत्यंत धोकादायक आहे ! डॉक्टरांना भेटा, वैद्यकीय सल्ला घ्या..

pregnancy test positive? taking abortion pills, its deangerous.. | घरच्याघरी प्रेगन्सी टेस्ट, ती पॉझिटिव्ह आली की गर्भपाताच्या गोळ्या घेऊन मोकळे ?- सावधान, जीवाला धोका आहे..

घरच्याघरी प्रेगन्सी टेस्ट, ती पॉझिटिव्ह आली की गर्भपाताच्या गोळ्या घेऊन मोकळे ?- सावधान, जीवाला धोका आहे..

Next
Highlightsआपल्या मनानेच उपचार घेणं आणि माहिती लपवणं भयंकर धोकादायक आहे.

डॉ. ऐश्वर्या रेवडकर

दर दोनेक दिवसातून मला एक तरी फोन कॉल  किंवा पर्सनल मेसेज येतो, गर्भपाताच्या गोळ्या विचारण्यासाठी. ज्या व्यक्तीसाठी त्या हव्या असतात, ती कुठेतरी अमुक ठिकाणी असते, जी व्यक्ती फोन करतेय ती तमुक ठिकाणी असते आणि मी आणखी तिसऱ्याच अमक्या ढमक्या ठिकाणी. मला अगदी जुजबी, कमीत कमी माहिती पुरवली जाते की, ‘अमक्या तारखेला शेवटची पाळी आली होती. आज घरी कीटने तपासले तर टेस्ट पॉझिटिव्ह आली, सध्या इतक्यात बाळ नको आहे, तर गर्भपाताच्या गोळ्या सांगा. आम्ही त्या
दुकानातून घेऊन देऊ, घरीच सर्व करू.’
इतके सहज सोपे वाटते सर्वाना हे ! दुकानात जाऊन चणे फुटाणे घ्यावेत इतके सहजतेने विचारतात लोक. यामध्ये सर्व प्रकारचे लोक येतात, शहरी व ग्रामीण, शिक्षित व अशिक्षित, विवाहित किंवा अविवाहित. कधी मुलीचा नातेवाईक फोन करतो तर कधी मुलीच्या बॉयफ्रेंडचा मित्र (कारण त्या दोघांना लाज वाटते बोलायला). कधी तर कोणी फेसबुकवरून पण मेसेज करतात, इमर्जन्सी म्हणून.
अशा सर्वच लोकांना पाहून आश्चर्यही वाटते आणि चिंताही.


मला मग पहिले शांतपणे कौउन्सिलिंग करावे लागते की असे उपचार रुग्णाला प्रत्यक्षात न तपासता फोनवरून करणे कसे जीवघेणे ठरू शकते आणि त्यामुळे मी असे करू शकत नाही. कारण जर डायरेक्ट
कोणाला म्हणाले की जवळच्या रुग्णालयात जाऊन डॉक्टरकडून तपासून मग औषधे घ्या, तर बऱ्याच लोकांना राग येतो. आम्हाला गरज आहे म्हणून फोन केला तर या डॉक्टर मदत करत नाहीये. काहीना वाटते की पैसे मिळत नाही म्हणून या फोनवर उपचार सांगत नाहीये. असे बरेच गैरसमज  होतात.
सकाळच्या वेळी मी ओपीडीमध्ये तर संध्याकाळी, रात्री मी डिलिव्हरीमध्ये तर कधी सिझेरिअन शस्त्रक्रियेच्या तयारीमध्ये व्यस्त असते. कधी कामाने, अति ताणाने थकून आराम करत असते, अशावेळी जास्त बोलत न बसता, मी “रुग्णालयात जा”, असा सल्ला देते
तेव्हा लोकांना माझा राग येतो. परंतु त्यांना हे समजून घ्यायचे नसते की डॉक्टर असा सल्ला का देत आहेत.
जेव्हा पाळी चुकते, तेव्हा कोणीही घरच्या घरी युरीन प्रेग्नसी कीट आणून सकाळचे पहिले मुत्र घेऊन तपासणी करू शकते. त्याने गर्भ राहिला आहे की नाही हे लगेच कळते. जर ही टेस्ट निगेटिव्ह आली आणि तरी पाळी आली नाही तर पुन्हा ७ दिवसांनी आम्ही ही टेस्ट करायला सांगतो, कदाचित आणखी काही दिवसानंतर ही टेस्ट पॉझीटीव्ह येऊ शकते. एकदा ही टेस्ट पॉझीटीव्ह आली की त्या स्त्रीला गर्भ राहिला आहे हे निश्चित होते. परंतु सर्व गर्भवती महिलांपैकी २-५ टक्के महिलांचा गर्भ हा एक्टोपिक गर्भ असू शकतो. याचा अर्थ गर्भ गर्भपिशवीमध्ये नसून , तो गर्भनलिकेमध्ये असतो. प्रत्येक महिलेमध्ये गर्भ हा प्रथम गर्भनलिकेमध्येच तयार होतो आणि नंतर तो गर्भपिशवीच्या पोकळीमध्ये येऊन रुजतो. तर ज्या महिलेचा गर्भ नलिकेतच राहतो, त्याला एक्टोपिक प्रेग्नन्सी असे म्हटले जाते यामध्ये जर लवकर समजले नाही तर मोठा होत असताना असा गर्भ नलिकेत वाढून, त्यामुळे गर्भनलिका फुटून, त्यातून पोटामध्ये मोठ्या प्रमाणात रक्तस्त्राव होऊन महिलेवर जीवघेणी परिस्थिती ओढवते. अनेकदा रुग्णालयात पोहोचेपर्यंत जलदगतीने स्त्रीची स्थिती गुंतागुंतीची होऊन, काही स्त्रिया जीव गमावून बसतात. 

गर्भावस्था नॉर्मल आहे की अशी एक्टोपिक आहे, हे कसे समजते ?

१. युरीन प्रेग्नसी कीट ने फक्त स्त्री गर्भवती आहे एवढेच समजते. बाकी ज्यादाची माहिती त्यातून समजत नाही.
२. आम्ही स्त्रीच्या योनीतून दोन बोटांनी जी तपासणी करतो , (पर व्हजायनल एक्झामिनेशन ) त्यातूनही हे काही प्रमाणात समजू शकते.
३. सोनोग्राफीमधून खात्रीशीर माहिती कळते.
४. रुग्णाच्या विशेष रक्त तपासणीद्वारे (बीटा एचसीजी होर्मोन लेव्हल ) हे समजू शकते, परंतु ही विशेष तपासणी सर्वच रुग्णालयात उपलब्ध असेल असे नाही. (खासकरून ग्रामीण भागात उपलब्ध नाही.)
५. तसेच गर्भवती स्त्रीला जर पोटात अचानक दुखू लागले आणि योनिद्वारे रक्तस्त्राव सुरु झाला, तर तेव्हा रुग्णाची सामान्य तपासणी करताना, ही ‘गुंतागुंत निर्माण झालेली एक्टोपिक गर्भावस्था’ आहे हे आमच्या लक्षात येते.

यावर उपचार काय ?

तर अशी गर्भावस्था वेळीच म्हणजे, गर्भ आकाराने आणि दिवसांनीही लहान असताना, गुंतागुंत निर्माण झालेली नसताना ओळखली गेली तर आणि रुग्णाच्या रक्त चाचण्या ठीक असतील तर विशेष औषधे देऊन उपचार करता येऊ शकतात. परंतु जर गुंतागुंत निर्माण झाली असेल, आकार मोठा असेल, तर शस्त्रक्रिया हा एकच पर्याय राहतो. त्यातही अनेकदा काही तासांच्या आतच शस्त्रक्रिया झाली तरच रुग्णाचा जीव वाचवला जाऊ शकतो.
आता एवढे मोठे पुराण मी का सांगत बसले ?
तर रुग्णाची तपासणी न करता, फोनवरूनच मी जर गर्भपाताच्या गोळ्या दिल्या आणि चुकून एखादीचा गर्भ एक्टोपिक असेल, तर तो पोटातच फुटून महिलेचा जीव जाऊ शकतो.

 

(मुळच्या महाराष्ट्रातील असलेल्या डॉ. ऐश्वर्या  रेवडकर स्त्रीरोग तज्ज्ञ असून सध्या छत्तीसगड येथील दुर्गम भागात रुग्णसेवा बजावत आहेत. फेमिनिस्ट, ट्रॅव्हलर, लेखिकाही त्या आहेत. अलीकडेच त्यांच्या ‘बिजापूर डायरी’ या पुस्तकाला नुकताच महाराष्ट्र शासनाचा पुरस्कारही मिळाला आहे.)

Web Title: pregnancy test positive? taking abortion pills, its deangerous..

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

संबंधित बातम्या

Mother's Day : सुरक्षित मातृत्वाचे प्रश्न गंभीर ! ‘सेफ मदरहूड’चा अधिकार कोरोनकाळात कोण नाकारतं आहे? - Marathi News | Mother's Day: safe motherhood in the time of corona pandemic. | Latest sakhi News at Lokmat.com

सखी :Mother's Day : सुरक्षित मातृत्वाचे प्रश्न गंभीर ! ‘सेफ मदरहूड’चा अधिकार कोरोनकाळात कोण नाकारतं आहे?

सुरक्षित मातृत्व, सुरक्षित बाळंतपण आणि सुरक्षित वातावरणात बाळाची वाढ हे आईसह बालकाचेही मूलभूत हक्क आहेत याचा विसर मोठ्यांच्या जगाला फार चटकन पडतो. ...

आईपणाच्या सुखासह येणारी अवघड जागांची दुखणी, ती अंगावर काढणं घातक - Marathi News | price of motherhood, speak up about urine & vaginal infection infections & postpartum depression | Latest sakhi News at Lokmat.com

सखी :आईपणाच्या सुखासह येणारी अवघड जागांची दुखणी, ती अंगावर काढणं घातक

वैद्यकीय तंत्रज्ञान कितीही पुढे गेलं तरी अजूनही प्रसूती हा स्त्रीचा खरोखर दुसरा जन्मच असतो याची जाणीव स्त्रीच्या आजूबाजूला असणाऱ्या सगळ्यांनीच ठेवणं आणि तिला जपणं महत्वाचं आहे.  ...

अपत्यप्राप्तीसाठी egg freezing हा पर्याय कुणी स्वीकारावा? त्यातले धोके कोणते?  - Marathi News | all you need to know about egg freezing? problems & solutions. | Latest sakhi News at Lokmat.com

सखी :अपत्यप्राप्तीसाठी egg freezing हा पर्याय कुणी स्वीकारावा? त्यातले धोके कोणते? 

एग फ्रिजिंगची चर्चा होते, अमूक अभिनेत्री, तमूक सेलिब्रिटीने एग फ्रिज करुन ठेवले होते असे आपल्या कानावर येते. हे तंत्रज्ञान आता समाज स्वीकारत असले तरी तसा हा प्रकार नवीन नाही. ...

युटेरिन फायब्रॉईड्स अर्थात गर्भाशयातल्या गाठी हा आजार कशाने होतो? - Marathi News | uterine fibroids causes types symptoms, treatment | Latest sakhi News at Lokmat.com

सखी :युटेरिन फायब्रॉईड्स अर्थात गर्भाशयातल्या गाठी हा आजार कशाने होतो?

वयाच्या पन्नाशीला पोहोचेपर्यंत युटेरियन फायब्रॉइड्स म्हणजे गर्भाशयात गाठी होणार्‍या स्त्रियांचं प्रमाण २० ते ८० इतकं आहे. ...

गरोदर मातेला कोरोनाचा संसर्ग झालाच तर काय काळजी घ्याल? कोणत्या चुका टाळता येतील? - Marathi News | What to do if a pregnant mother is infected with corona? avoid these common mistakes | Latest sakhi News at Lokmat.com

सखी :गरोदर मातेला कोरोनाचा संसर्ग झालाच तर काय काळजी घ्याल? कोणत्या चुका टाळता येतील?

गरोदरपणात कोरोना संसर्गाचं भय वाटणं साहजिकच आहे, मात्र योग्य देखभाल, काळजी आणि तज्ज्ञ मार्गदर्शन घ्या, काळजी घेणं हाच उत्तम बचाव आहे. ...

‘गर्भधारणा नको? त्यात काय एवढे, खा गोळ्या!’- या बेदरकार वृत्तीच्या बायका बळी ठरतात तेव्हा.. - Marathi News | pregnant women abortion pills, dangerous for health, take medical help | Latest sakhi News at Lokmat.com

सखी :‘गर्भधारणा नको? त्यात काय एवढे, खा गोळ्या!’- या बेदरकार वृत्तीच्या बायका बळी ठरतात तेव्हा..

अनेकजण मात्र चुकीच्या पद्धतीने गोळ्या खाऊन, महिनाभर रक्तस्त्राव अंगावर काढून, मग डॉक्टरकडे जातात. अनेकदा खोटेच सांगतात कि आपोआप गर्भ पडला. ...