Amla Candy Recipe : हिवाळा आला की बाजारात हिवरेगार आंबट, गोड, तुरट आवळे विकण्यासाठी सगळीकडे दिसू लागतात. आवळ्याची चव आणि त्यातील पोषक तत्वांमुळे लोकही आवळे भरपूर खरेदी करतात. यातील वेगवेगळ्या पोषक तत्वांमुळे आपली रोगप्रतिकार शक्ती वाढते, पचन सुधारतं आणि नजरही सुधारते. सोबतच वेगळी टेस्ट मिळते ती वेगळीच. काही लोक आवळ्यांची चटणी खातात, काही लोक लोणचे तर कुणी आवळ्याचा मुरांबा बनवतात. पण आम्ही आज आपल्याला आवळ्यापासून चटपटीत कॅंडी कशा बनवाव्या याची सोपी रेसिपी सांगणार आहोत.
आवश्यक साहित्य
आवळा – 500 ग्रॅम
साखर – 300 ग्रॅम
पाणी – 1 कप
मीठ – ½ छोटा चमचा
काळं मीठ – 1 छोटा चमचा
ओवा/सूंठ – ½ छोटा चमचा
हिंग – 1 चिमूट
काळी मिरी पूड – ½ छोटा चमचा
लिंबाचा रस – 2 मोठे चमचे
हळद – ½ छोटा चमचा
कशा बनवायच्या?
आधी आवळा नीट धुवून घ्या. त्यातील बिया काढून गराचे छोटे छोटे तुकडे करा. एका भांड्यात पाणी उकळा आणि त्यात आवळ्याचे तुकडे टाका. 10 मिनिटे उकळून घ्या. नंतर आवळे काढून थंड होऊ द्या.
त्यानंतर कढईत 1 कप पाणी व साखर घालून उकळा. पाक तयार झाला की त्यात हिंग, ओवा, काळी मिरी पूड, हळद, मीठ घाला. 5–10 मिनिटे उकळू द्या, पाक थोडा घट्ट होऊ द्या. थंड झाल्यावर त्यात लिंबाचा रस मिसळा.
या पाकामध्ये उकडलेले आवळे घाला. नीट मिसळा. मंद आचेवर 5–10 मिनिटे शिजू द्या. नंतर हे मिश्रण ट्रे/प्लेटमध्ये काढून सूर्यप्रकाशात 1–2 दिवस वाळू द्या.
आवळा चांगला सुकल्यानंतर कँडी तयार! या कॅंडी एअरटाईट डब्यात साठवून ठेवा. या कॅंडी काही आठवडे सहज टिकतात आणि चवही चांगली लागते.