जवस, पांढरे तीळ, सूर्यफुलाच्या बिया आणि भोपळ्याच्या पांढऱ्या आणि हिरव्या बिया यांचे मिश्रण हा एक नैसर्गिक पाचक आणि भरपूर ऊर्जा देणारा पदार्थ ठरतो. या बिया वेगवेगळ्या पोषक गुणांनी भरलेल्या असल्यामुळे एकत्र केल्यावर त्यांची ताकद अधिक वाढते. रोज फक्त एक चमचा हे मिश्रण खाल्ले तरी शरीराला आवश्यक असणारे चांगले स्निग्ध, प्रथिने, फायबर आणि सूक्ष्म पोषकतत्त्वे सहज मिळतात.
या बियांमध्ये नैसर्गिक तेलांचा सुंदर समतोल असतो. जवसामधील ओमेगा-३ शरीरातील दाह कमी करण्यास आणि पचनसंस्था शांत ठेवण्यास मदत करतो. तीळामधील कॅल्शियम, मॅग्नेशियम आणि लिग्नॅन्स पोटाचे स्नायू मजबूत ठेवतात आणि वारंवार होणारी आम्लता कमी करण्यास हातभार लावतात.(5 superpowers - 5 types of seeds! You will get a superdose of energy - you might say, why didn't you know this before..) सूर्यफुलाच्या बियांची हलकी गोडसर चव आणि त्यातील व्हिटॅमिन-ई आतड्यांची सूज कमी करत पचन सुरळीत ठेवते. भोपळ्याच्या हिरव्या आणि पांढऱ्या बियांमध्ये मिळणारे झिंक आणि प्रथिने पचनासाठी आवश्यक एन्झाइम्सना आधार देतात. त्यामुळे अन्न चांगले पचते, वायू कमी होतो, आणि जेवल्यानंतर जाणवणारा जडपणा किंवा सुस्ती कमी होते.
हे मिश्रण रोज खाल्ल्यास आतड्यांना चांगले फायबर मिळते, जे मलावरोध कमी करते आणि पोट साफ होण्याची प्रक्रिया सहज होण्यासाठी मदत करते. या बियांमधील नैसर्गिक तेलामुळे आतड्यांना आराम मिळतो. पचनासाठी गरजेचे रस तयार होण्याची क्षमता वाढते. त्यामुळे वारंवार कोरडेपणा जाणवत नाही. त्याचबरोबर शरीराला सूक्ष्मप्रमाणात मिळणारी खनिजे जसे झिंक, सेलेनियम, मॅग्नेशियम हे घटक रक्तशुद्धी, त्वचेचे आरोग्य आणि हार्मोन्सचा संतुलित प्रवाह राखण्यास उपयोगी ठरतात.
थोडक्यात, हे मिश्रण हा केवळ पाचक नाही, तर दैनंदिन जीवनातील ऊर्जा, पोटाची तंदुरुस्ती आणि संपूर्ण आरोग्य व्यवस्थित राखण्यासाठी एकदम पौष्टिक उपाय आहे. ना तिखट, ना जड फक्त भरपूर नैसर्गिक पोषण. रोज एक चमचा घेतल्यास शरीर हलके, पोट शांत आणि शरीराची तंदुरुस्ती टिकून राहते. तसेच एकदा करु ठेवल्यावर हे मिश्रण टिकतेही बरेच दिवस. त्यात चमचाभर सैंधव मीठ तसेच थोडा चाट मसाला घालू शकता. चव आणखी छान लागेल.
Web Summary : A mix of flax, sesame, sunflower, and pumpkin seeds boosts energy, aids digestion, and provides essential nutrients. This blend improves gut health, reduces inflammation, and supports overall well-being, offering a simple, nutritious addition to your daily diet.
Web Summary : अलसी, तिल, सूरजमुखी, और कद्दू के बीज ऊर्जा बढ़ाते हैं, पाचन में मदद करते हैं और आवश्यक पोषक तत्व प्रदान करते हैं। यह मिश्रण आंतों के स्वास्थ्य को बेहतर बनाता है, सूजन को कम करता है और संपूर्ण स्वास्थ्य का समर्थन करता है, जो आपके दैनिक आहार के लिए एक सरल, पौष्टिक जोड़ है।