Skin Care Tips in Winter : थंडीच्या दिवसांमध्ये आपल्या सवयींमध्येही फरक बघायला मिळतो. थंडीत खासकरुन त्वचेची काळजी नेहमीपेक्षा जास्त घ्यावी लागते. पण लोक काळजी घेण्यासाठी अशा काही गोष्टी करतात, ज्याने आरोग्याचं नुकसान होऊ शकतं. कधी कधी काही गोष्टींची काळजी तुमच्यासाठी समस्याही निर्माण करू शकतात. अशाच काही गोष्टी आम्ही आपल्याला सांगत आहोत, ज्या थंडीच्या दिवसात टाळायला पाहिजे.
पाय नेहमी झाकून ठेवणे
थंडीच्या दिवसात सर्वांनाच थंडी जाणवते. पण काही लोकांना थंडी जरा जास्तच जाणवते. हे लोक दिवस-रात्र हात आणि पाय झाकून ठेवतात. पण असं केल्यानं त्यांना वेगवेगळ्या समस्यांचा सामना करावा लागू शकतो. याने त्वचेचं नुकसान होऊ शकतं. अशात हात आणि पाय सतत झाकून ठेवण्याऐवजी काही वेळासाठी मोकळे ठेवा.
पाणी कमी पिणे
थंडीच्या दिवसात इतर ऋतुंच्या तुलनेत कमी तहान लागते. पण याचा अर्थ हा नाही की, पाणी पिऊच नये. शरीराची क्रिया व्यवस्थित होण्यासाठी पाण्याची आवश्यकता असते. त्यामुळे या दिवसात तहान नसली तरी या दिवसात भरपूर पाणी पिणं गरजेचं असतं. कमी पाणी प्यायल्याने पचनक्रिया चांगली होणार नाही.
जास्त गरम पदार्थ खाणे
थंडीच्या दिवसात गरमीसाठी वेगवेगळे गरमागरम पदार्थ खाल्ले जातात. अनेकांना याची सवयही असते. काही लोक गरम पदार्थ, गोड पदार्थ खातात, पण सतत हे पदार्थ खाल्ल्याने वजन वाढण्याचा धोका असतो. सोबतच कोलेस्टेरॉलचं प्रमाणही वाढतं. जे शरीरासाठी घातक ठरु शकतं.
त्वचेवर नेहमी नेहमी क्रीम लावणे
थंडीच्या दिवसात त्वचा कोरडी पडण्याची समस्या अधिक प्रमाणात होते. त्यामुळे त्वचेची काळजी घेणे गरजेचेच आहे. पण काही लोक हे त्वचा मुलायम ठेवण्यासाठी त्वचेवर सतत चिकट क्रीम लावतात, याने त्वचेवर धूळ, माती आणि बॅक्टेरिया चिकटतात. याने त्वचेचं अधिक नुकसान होऊ शकतं.
काय टाळावे?
बेकिंग सोडा
गरमीच्या दिवसांपेक्षा थंडीच्या दिवसात बेकिंग सोडा वापरणे नुकसानदायक ठरु शकतं. याने त्वचेवर काळे डाग पडतात. याने तुमची त्वचा काळवंडते.
लिंबू
वेगवेगळ्या फेस पॅकमध्ये लिंबाचा जास्तीत जास्त वापर केला जातो. पण लिंबामध्ये भरपूर प्रमाणात सायट्रिक अ‍ॅसिड असतं. याने त्वचा अधिक रखरखीत होऊ शकते.
पुदिना
थंडीच्या दिवसात त्वचेवर पुदिना जास्त वापरल्यास याने डार्कनेस वाढू शकते. कारण यात मेंथोल अधिक प्रमाणात असतं. याने चेहऱ्याचा ओलावा शोषला जातो.
फळांच्या सालींचे फेस पॅक
वेगवेगळ्या घरगुती उपायांमध्ये फळांच्या सालींपासून तयार केलेले फेस पॅक लावले जातात. पण थंडीच्या दिवसात यांचा अधिक वापर करणं घातक ठरू शकतं. याने चेहऱ्याच्या त्वचेवरील तेल कमी होतं. याने त्वचेचा कोरडेपणा वाढू लागतो.
संत्री
थंडीत संत्री खाणं खूप फायदेशीर असतात. पण याच्या फेस पॅकचा वापर करणे समस्या निर्माण करु शकतो. कारण यात सायट्रिक अ‍ॅसिडचं प्रमाण अधिक असतं. ज्यामुळे त्वचा अधिक कोरडी होते.