हिवाळा सुरू झाला की, वातावरणातील थंड आणि कोरड्या हवेचा परिणाम थेट आपल्या त्वचेवर देखील दिसू लागतो. थंडीमुळे त्वचेतील नैसर्गिक ओलावा कमी होतो, ज्यामुळे त्वचा रूक्ष होते आणि अनेकदा ती काळवंडल्यासारखी दिसू लागते. थंडीच्या दिवसांत त्वचेला विशेष काळजी आणि पोषणाची गरज असते, जेणेकरून तिचा नैसर्गिक रंग आणि चमक कायम टिकून राहील. हिवाळ्यात बरेचदा चेहऱ्याची त्वचा निस्तेज, रापलेली आणि अनेकदा काळवंडलेली दिसते, ज्यामुळे नैसर्गिक ग्लो पूर्णपणे हरवतो. अशा परिस्थितीत, केमिकलयुक्त महागड्या ब्यूटी प्रॉडक्ट्सच्या ऐवजी घरच्या घरी तयार करता येणारे नैसर्गिक फेसमास्क सर्वात सुरक्षित आणि त्वचेच्या नैसर्गिक सौंदर्यासाठी फायदेशीर ठरतात. या समस्येवर नैसर्गिक आणि घरगुती उपाय म्हणून, पपई एक उत्तम पर्याय आहे!(Homemade Papaya Jel Face Mask For Winter Dry Skin).
पपईमध्ये असलेले नैसर्गिक एन्झाईम्स आणि जीवनसत्त्वे त्वचेचा रंग सुधारतात आणि तिला आतून पोषण देतात. विशेषतः पपईपासून बनवलेला जेल मास्क त्वचेला ( winter special papaya face pack) आवश्यक पोषण देतो, टँनिंग कमी करतो आणि चेहऱ्यावर क्षणात चमक आणतो. हिवाळ्यातील त्वचा काळवंडण्याची समस्या दूर करण्यासाठी आणि तिला नितळ, मुलायम व चमकदार ठेवण्यासाठी, पपई जेल मास्क (papaya gel face mask for winter) तयार करण्याची सोपी पद्धत पाहूयात. हा घरगुती उपाय तुम्हाला कडाक्याच्या थंडीतही चेहऱ्यावर पार्लरसारखा ग्लो देईल!
खास हिवाळ्यासाठी पपईचा जेल मास्क कसा तयार करावा ?
पपईचा जेल मास्क तयार करण्यासाठी आपल्याला १ मोठा चमचा पपईचा गर, १ मोठा चमचा कोरफड जेल, १ व्हिटॅमिन-ई कॅप्सूल, १ छोटा चमचा बदामाचे तेल इतक्या साहित्याची गरज लागणार आहे.
पपई जेल मास्क कसा तयार करावा ?
एक बाऊल घ्या आणि त्यात बदामाचे तेल आणि कोरफड जेल एकत्रित करून चांगले मिसळा. यामुळे एक पांढरे, क्रीमी टेक्स्चर तयार होईल. यानंतर, तुम्ही त्यात व्हिटॅमिन-ई कॅप्सूल मिसळा. आता हे मिश्रण थोड्या वेळासाठी बाजूला स्थिर होण्यासाठी ठेवून द्या. आता तुम्हाला पपईचा गर खूप चांगल्या प्रकारे मॅश करायचा आहे आणि त्याचा रस गाळणीने गाळून घ्यायचा आहे. हा रस कोरफड असलेल्या मिश्रणात ओता आणि चांगल्या प्रकारे मिसळून घ्या. तुमचा जेल फेस मास्क तयार आहे.
जेल फेस मास्क कसा लावावा?
१. सर्वात आधी चेहरा चांगल्या प्रकारे स्वच्छ करा. शक्य असल्यास, चेहऱ्याला हलके स्क्रब करा. यामुळे चेहऱ्यावरील डेड स्किन साफ होईल.२. आता चेहरा गुलाब पाण्याने पुसून स्वच्छ करा. यामुळे चेहऱ्यावरील छिद्र चांगल्या प्रकारे उघडली जातील. ३. यानंतर, चेहऱ्यावर हा जेल मास्क लावा आणि १० ते १५ मिनिटांसाठी चेहऱ्यावर तसाच राहू द्या.४. नंतर तुम्ही चेहऱ्याला हळू हळू मसाज करा आणि चेहरा पाण्याने धुवून घ्या.
हिवाळ्यात केस खराट्यासारखे रखरखीत होऊन गळत असतील तर लावा ३ तेल, थंडीत तुमचे केस होतील रेशमी...
हा पपईचा जेल मास्क वापरण्याचे फायदे...
१. पपईमध्ये पेपीन नावाचा एक घटक असतो, जो त्वचेसाठी खूप फायदेशीर असतो. जर तुम्ही हा जेल फेस मास्क चेहऱ्यावर रोज लावला, तर तुमच्या चेहऱ्यावर अप्रतिम चमक येईल.
२. चेहऱ्यावर टॅनिंग झाली असेल किंवा डेड स्किन जमा झाली असेल, तर तुम्ही या जेल फेस मास्कचा वापर नक्कीच करायला हवा. यामुळे तुमच्या त्वचेवरील डलनेस लगेच दूर होईल.
३. पपईमध्ये असलेले अँटिऑक्सिडंट्स तुमच्या डॅमेज झालेल्या त्वचेला देखील दुरुस्त करतात आणि यामुळे तुमच्या त्वचेचे पोषण मजबूत होते.
४. हिवाळ्याच्या दिवसांत त्वचा खूप लवकर कोरडी होते, पण पपईचा जेल फेस मास्क लावल्याने तुमची त्वचा खोलवर मॉइश्चराइज राहील आणि कोरडेपणा कमी होईल.
Web Summary : Combat winter dryness with a homemade papaya gel mask! Papaya's enzymes and vitamins nourish skin, reduce tan, and add instant radiance. This simple mask, made with papaya, aloe vera, vitamin E, and almond oil, promises a parlor-like glow at home.
Web Summary : घर पर बने पपीता जेल मास्क से सर्दियों के रूखेपन से लड़ें! पपीता के एंजाइम और विटामिन त्वचा को पोषण देते हैं, टैन कम करते हैं और तुरंत चमक लाते हैं। पपीता, एलोवेरा, विटामिन ई और बादाम के तेल से बना यह आसान मास्क घर पर ही पार्लर जैसा ग्लो देने का वादा करता है।