रत्नागिरी जिल्ह्यात असलेल्या खेड तालुक्यात लोटे येथे आध्यात्मिक वारकरी गुरुकुल आहे. या गुरुकुलामध्ये शिक्षण घेत असलेल्या एका अल्पवयीन युवतीसोबत गुरुकुलच्या प्रमुखाने आणि शिक्षकाने अतिप्रसंग करण्याचा प्रयत्न केला. या प्रकरणी गुन्हा दाखल करण्यात आला आहे.
भगवान कोकरे महाराज आणि प्रितेश प्रभाकर कदम अशी गुन्हा दाखल करण्यात आलेल्या दोघांची नावे आहेत. भगवान कोकरे महाराज हे आध्यात्मिक वारकरी गुरुकुलचे प्रमुख आहेत. तर कदम हे शिक्षक आहेत.
पोलिसांनी दोघांविरोधात बालकांचे लैंगिक अत्याचारापासून संरक्षण कायद्यातील कलम १२ व १७, त्याचबरोबर भारतीय न्याय संहितेतील कलम ७४,३५१(३) आणि ८५ अन्वये गुन्हा दाखल केला आहे.
कोकरे यांच्या या आध्यात्मिक वारकरी गुरुकुलमध्ये अनेक ठिकाणची मुले, मुली शिक्षण घेतात. एका मुलीचा विनंयभग करत अतिप्रसंग करण्याचा प्रयत्न केल्याचा आरोप कोकरे आणि कदम यांच्यावर आहे. ही घटना उजेडात आल्यानंतर लोक संताप व्यक्त करत आहेत.
Web Summary : In Ratnagiri's Khed, the head and a teacher of a Warakari Gurukul are booked for allegedly attempting to molest a minor girl student. Police have registered a case against Kokare Maharaj and Kadam.
Web Summary : रत्नागिरी के खेड़ में, वारकरी गुरुकुल के प्रमुख और एक शिक्षक पर एक नाबालिग छात्रा के साथ कथित तौर पर छेड़छाड़ करने की कोशिश का मामला दर्ज किया गया है। पुलिस ने कोकरे महाराज और कदम के खिलाफ मामला दर्ज किया है।