कॅन्सरबाबत महिलांमध्ये शिबिरातून जनजागृती
By लोकमत न्यूज नेटवर्क | Published: April 10, 2021 04:31 AM2021-04-10T04:31:24+5:302021-04-10T04:31:24+5:30
लाेकमत न्यूज नेटवर्क चिपळूण : कर्करोगाबाबत महिलांमध्ये जनजागृती व्हायला हवी, या उद्देशाने येथील ऑन्को लाइफकेअर कॅन्सर सेंटर, तसेच लायन्स ...
लाेकमत न्यूज नेटवर्क
चिपळूण : कर्करोगाबाबत महिलांमध्ये जनजागृती व्हायला हवी, या उद्देशाने येथील ऑन्को लाइफकेअर कॅन्सर सेंटर, तसेच लायन्स क्लब ऑफ चिपळूण गॅलेक्सी यांच्या संयुक्त विद्यमाने कर्करोग जनजागृती व तपासणी शिबिराचे आयोजन केले होते.
या शिबिराच्या माध्यमातून जास्तीतजास्त महिलांमध्ये कर्करोगाविषयी जनजागृती करण्यात आली. अनेक महिलांनी या शिबिराचा लाभ घेत कर्करोग तपासणी करून घेतली.
ऑन्को लाइफकेअर कॅन्सर सेंटर येथील स्तन व गर्भाशय कॅन्सर विभागाच्या प्रमुख, स्त्री कर्करोग तज्ज्ञ डॉ. तेजल गोरासिया-खडकबाण यांनी या ठिकाणी महिलांमधील कॅन्सरचे वाढते प्रमाण, जनजागृतीचा अभाव, कर्करोगाची लक्षणे, उपचार आदी विषयांवर मार्गदर्शन केले. यावेळी लायन्स क्लब ऑफ चिपळूण गॅलेक्सीचे अध्यक्षा एकता मुळे, हॉस्पिटलमधील डॉ.पद्मजा रेडिज, विनायक भोसले, अभिजीत सुर्वे उपस्थित होते.
चौकट
स्तनाचा कर्करोग म्हणजे काय, तो कशामुळे होतो, कोणत्या स्थितीमध्ये तो अधिक धोकादायक असतो, योग्य वेळी निदान आणि उपचार यामुळे तो पूर्णतः बरा होतो, याविषयी महिलांनी जाणून घेतले. त्याचबरोबर, गर्भाशयाच्या कॅन्सरबाबतही यावेळी मार्गदर्शन करण्यात आले, तसेच कर्करोगासारख्या आजारापासून दूर राहण्यासाठी घ्यावयाची काळजी, याविषयी महिलांना मार्गदर्शन करण्यात आले. प्रत्येक महिलेची नावनोंदणी करून, त्यांची प्राथमिक आरोग्य तपासणी करण्यात आली.