अमेरिकेतील तरुणाने पुण्यातील तरुणीची बदनामी करण्यासाठी केले शरीर संबंधाचे व्हिडिओ व्हायरल

फेसबुकवर बनावट अकाऊंट काढून त्यावर अनैतिक संबंधाचे व्हिडिओ टाकून अमेरिकेतील तरुणाने पुण्यातील तरुणीची बदनामी केली. हे व्हिडिओ फेसबुकवर बनावट अकाऊंट काढून तरुणीच्या नातेवाईक आणि मित्र तसेच पतीला पाठवली

पुणे : फेसबुकवर बनावट अकाऊंट काढून त्यावर अनैतिक संबंधाचे व्हिडिओ टाकून अमेरिकेतील तरुणाने पुण्यातील तरुणीची बदनामी केली. हे व्हिडिओ फेसबुकवर बनावट अकाऊंट काढून तरुणीच्या नातेवाईक आणि मित्र तसेच पतीला पाठवली. याप्रकरणी अमेरिकेतील तरुण राज धोंडे याच्या विरुद्ध बलात्कार तसेच विनभंगाचा गुन्हा पोलिसांनी दाखल केला आहे.

राज ज्ञानेश्वर धोंडे (रा. अंबर अपार्टमेंट, अमरावती, सध्या टेक्सास, अमेरिका) असे गुन्हा दाखल झालेल्याचे नाव आहे. हा प्रकार ऑक्टोबर २०१५ पासून आतापर्यंत होत होता. याप्रकरणी पाषाण येथे राहणाऱ्या एका ३१ वर्षांच्या विवाहितेने चतु:श्रृंगी पोलीस ठाण्यात फिर्याद दिली आहे.

आरोपीने फिर्सादीसोबत मैत्री करून फिर्यादीचे मोबाईलमधील खासगी फोटो त्याच्या मोबाईलमध्ये घेतले. ते फोटो व्हायरल करण्याची धमकी देऊन फिर्यादीसोबत जबरदस्तीने शरीर संबंध ठेवून त्याचे व्हिडिओ काढले. त्यानंतर त्याने फिर्यादीचे नावे फेक फेसबुक अकाऊंट तयार करून त्यावर फिर्यादीचे नातेवाईक व मित्र यांना पाठवून फिर्यादीची बदनामी केली. तसेच फिर्यादीचे पती यांनासुद्धा शरीर संबंधाचे व्हिडिओ पाठवून फिर्यादीची बदनामी केली आहे. फिर्यादीने याची तक्रार सायबर पोलिसांकडे केली होती. सायबर पोलिसांनी प्राथमिक तपास करून तो चतु:श्रृंगी पोलिसांकडे वर्ग केला आहे.