महिलांविषयक धोरण राबविणारे महाराष्ट्र हे एकमेव राज्य : विजया रहाटकर

शासनाने महिलांच्या सुरक्षा अंतर्गत कायद्याचे फायदे अंतर्गतचे फायदे शेवटच्या घटकापर्यंत पोहचवायचे काम करण्यात येत आहे.  

ठळक मुद्देमहिला सक्षमीकरण अंतर्गंत महिला बचत गटांसाठीच्या प्रज्वल योजना प्रशिक्षण शिबिर उद्घाटन

पिंपरी : महिलांच्या सुरक्षेसाठी शासनाने कायदे तयार केले असून त्याकायदया अंतर्गतचे फायदे शेवटच्या घटकापर्यंत पोहचवायचे काम महाराष्ट्र राज्य महिला आयोग करत असून संपूर्ण भारतात महिलांविषयक धोरण राबविणारे महाराष्ट्र हे एकमेव राज्य आहे, असे प्रतिपादन महाराट्र राज्य महिला आयोगाच्या अध्यक्षा विजया रहाटकर यांनी केले. 
पिंपरी चिंचवड महानगरपालिका व महाराष्ट्र राज्य महिला आयोग यांच्या वतीने आचार्य अत्रे रंगमंदिर, संत तुकारामनगर, पिंपरी येथे महिला सक्षमीकरण अंतर्गंत महिला बचत गटांसाठीच्या प्रज्वल योजना प्रशिक्षण शिबिराच्या उद्घाटनप्रसंगी त्या बोलत होत्या. यावेळी महापौर राहूल जाधव, आमदार लक्ष्मण जगताप, सत्तारुढ पक्षनेते एकनाथ पवार,स्थायी समिती सभापती विलास मडिगेरी, विरोधी पक्षनेते दत्तात्रय साने, आयुक्त श्रावण हर्डीकर, महिला व बालकल्याण समिती सभापती निर्मला कुटे, विधी समिती सभापती अश्विनी बोबडे,जैव विविधता व्यवस्थापन समिती अध्यक्षा उषा मुंढे, अ प्रभाग अध्यक्षा शर्मिला बाबर, क प्रभागअध्यक्षा यशोदा बोईनवाड, ई प्रभाग अध्यक्षा सुवर्णा बुर्डे, फ प्रभाग अध्यक्षा योगिता नागरगोजे, अतिरिक्त आयुक्त संतोष पाटील नगरसदस्या, स्विनल म्हेत्रे, अश्विनी जाधव, अनुराधा गोरखे,सुजाता पालांडे, सोनाली गव्हाणे, प्रियांका बारसे, साधना मळेकर, नगरसदस्य नामदेव ढाके,राजेंद्र गावडे, सहाय्यकआयुक्त स्मिता झगडे, अण्णा बोदडे, समाज विकास अधिकारी संभाजी ऐवले आदी उपस्थित होते.
रहाटकर म्हणाल्या, राज्य महिला आयोग हे महिलांचे जीवनमान उंचावण्याचे काम करीत आहे. महिलांच्या सुरक्षेसाठी जे कायदे तयार केले आहेत ते शेवटच्या घटकापर्यत पोहचवायचे आहेत. महिलांचे बचत गट ही खूप चांगली चळवळ आहे. प्रज्वल योजनेत महिलांविषयक कायदे व बतच गटाच्या योजनांची माहिती दिली जाते. 
पक्षनेते एकनाथ पवार म्हणाले, पिंपरी चिंचवड महनगरपालिकेच्या माध्यमातून बचतगटांच्या उन्न्तीसाठी ५० कोटी रुपयांची तरतुद करण्यात आलेली आहे. महिलांना स्वावलंबी सक्षम करण्यासाठी महानगरपालिका प्रयत्न करीत आहे. आयुक्त श्रावण हर्डीकर म्हणाले, शहरात १५ हजारोंपेक्षा जास्त बचतगट स्थापन झाले आहेत. आपल्या कुटूबांला संपन्न बनविण्याची क्षमता महिलांमध्ये असते. महिला बचत गटांनायोग्य मार्गदर्शन करणे गरजेचे आहे.यावेळी शलाका साळवी व मिनल मोहाडीकर यांनी योजना व कायदे याबाबत उपस्थितांना मार्गदर्शन केले. सूत्रसंचालन बी. के. कोकाटे यांनी केले तर आभार  सहाय्यक आयुक्त स्मिता झगडे यांनी मानले.