"घरात 2 कोरोना पॉझिटिव्ह सदस्य असताना मुख्यमंत्र्यांच्या उपस्थितीत भूमिपूजन सोहळा कसा पार पडला?"
By ऑनलाइन लोकमत | Published: April 2, 2021 05:27 PM2021-04-02T17:27:03+5:302021-04-02T17:30:14+5:30
BJP Atul Bhatkhalkar Slams Uddhav Thackeray Over Corona Virus : भाजपाचे नेते अतुल भातखळकर यांनी महापौरांच्या विधानांवरून मुख्यमंत्र्यांवरच हल्लाबोल केला आहे.
"घरात 2 कोरोना पॉझिटिव्ह सदस्य असताना मुख्यमंत्र्यांच्या उपस्थितीत भूमिपूजन सोहळा कसा पार पडला?"
मुंबई - मुंबईतील वाढत्या कोरोना रुग्णांच्या पार्श्वभूमीवर मुंबईच्या महापौर किशोरी पेडणेकर यांनी आज पत्रकार परिषद घेतली. यावेळी शहरात कडक निर्बंध लागू करण्यात येणार असल्याची माहिती तर त्यांनी दिलीच पण नागरिकांकडून केल्या जाणाऱ्या निष्काळजीपणावरही त्यांनी नाराजी व्यक्त केली. तसेच बेजबाबदार नागरिकांमुळे करोनाचा धोका वाढत असल्याचं म्हटलं आहे. याच दरम्यान आता भाजपाचे नेते अतुल भातखळकर (BJP Leader Atul Bhatkhalkar) यांनी महापौरांच्या विधानांवरून मुख्यमंत्र्यांवरच हल्लाबोल केला आहे.
"घरात 2 कोरोना पॉझिटिव्ह सदस्य असताना मुख्यमंत्र्यांच्या उपस्थितीत भूमिपूजन सोहळा कसा पार पडला?" असं म्हणत अतुल भातखळकर यांनी निशाणा साधला आहे. अतुल भातखळकर यांनी आपल्या ट्विटर अकाऊंटवरून याबाबत एक ट्विट केलं आहे. "मुंबईच्या महापौरांनी नागरिकांना बेजबाबदार ठरवण्यापेक्षा हिंदुहृदयसम्राट बाळासाहेब ठाकरे यांच्या स्मारकाचा भूमिपूजन सोहळा घरात दोन कोरोना पॉझिटिव्ह कुटुंब सदस्य निघाले असताना मुख्यमंत्र्यांच्या उपस्थितीत पार कसा पडला याचा खुलासा करावा" असं म्हटलं आहे.
मुंबईतील धार्मिक स्थळ पुन्हा एकदा बंद करण्याचा विचार पालिका करत असताना भाजप नेत्यांकडून त्यास विरोध केला जात आहे. याबाबत बोलताना किशोरी पेडणेकर यांनी निर्बंध झुगारणाऱ्यांनी राजकारण करण्यापेक्षा जनतेच्या आरोग्याच्या काळजीचा विचार करावा अशी टीका केली आहे. "राज्याचे मुख्यमंत्री राज्याची एका कुटुंबाप्रमाणे काळजी घेत आहेत. लॉकडाऊन कुणालाच नकोय. पण वाढती रुग्णसंख्या लक्षात घेता कठोर निर्णय घेणं गरजेचं होऊन बसलं आहे. भाजपवाल्यांनी रस्त्यावर उतरून काम करावं मग त्यांना लक्षात येईल", असं रोखठोक मत पेडणेकर यांनी व्यक्त केलं.
"निमंत्रण पत्रिकेतून 'हिंदुहृदयसम्राट' गायब, एकनाथ शिंदे गायब, ज्यांच्यामुळे शिवसेनाप्रमुखांचे स्मारक शक्य झाले ते देवेंद्र फडणवीस गायब"https://t.co/tAXVex5tRS#balasahebthackeray#BJP#AtulBhatkhalkar#UddhavThackeray#Devendrafadnavis#EknathShinde#ShivSena#Politicspic.twitter.com/2oLOIeBAap
— Lokmat (@MiLOKMAT) March 31, 2021
स्मारकाचं भूमिपूजन होत असताना देवेंद्र फडणवीस यांना कार्यक्रमापासून दूर ठेवण्यात आलं. यावरून भाजपाने शिवसेना आणि उद्धव ठाकरे यांच्यावर जोरदार निशाणा साधला होता. "सोडलेल्या हिंदुत्वाचे आणि कोत्या मनाचे पुन्हा एकदा दर्शन, फक्त आयत्या पिठावर रेघोटया मारणाऱ्यांची नावं" असं म्हणत अतुल भातखळकर यांनी हल्लाबोल केला. "सोडलेल्या हिंदुत्वाचे आणि कोत्या मनाचे पुन्हा एकदा दर्शन... निमंत्रण पत्रिकेतून 'हिंदुहृदयसम्राट' गायब, MMRDA चे मंत्री एकनाथ शिंदे गायब, ज्यांच्यामुळे शिवसेनाप्रमुखांचे स्मारक शक्य झाले ते विरोधी पक्षनेते देवेंद्र फडणवीस गायब... नावे फक्त आयत्या पिठावर रेघोटया मारणाऱ्यांची" असं म्हणत ठाकरे सरकारवर अतुल भातखळकर यांनी जोरदार टीका केली आहे.
CoronaVirus Updates : मुंबई लोकलबाबत मोठी घोषणा होणार?; वडेट्टीवारांनी दिली महत्त्वाची माहितीhttps://t.co/JME17hw1Kt#coronavirus#CoronaVirusUpdates#MaharashtraFightsCorona#maharashtralockdown#mumbailocal
— Lokmat (@MiLOKMAT) April 2, 2021
