पिंपरी चिंचवडमध्ये 'शिवडे, आय एम सॉरी’ नंतर आता 'सहावीला पिंपरी चिंचवडला आलो'ची चर्चा

काही दिवसांपूर्वी पिंपरीतील ‘स्मार्ट बायका कुठे जातात’ असा असा मजकूर लिहलेला पोस्टर व्हायरल झाला होता...!

पिंपरी:पिंपरी चिंचवड शहरात काही दिवसांपूर्वी ‘शिवडे, आय एम सॉरी’ (SHIVDE I AM SORRY') या पोस्टरने खळबळ माजवली होती. आता शहरात पुन्हा एकदा अशी हटके पोस्टरबाजी दिसली आहे. ‘सहावीला पिंपरी चिंचवडला आलो’ हे वाक्य लिहिलेल्या पोस्टरने पिंपरी चिंचवडकरांना विचार करायला लावले आहे. ‘सहावीला पिंपरी चिंचवडला आलो’ अशा आशयाचे डिजीटल शहर परिसरात लावले असल्याचे फोटो सोशल मिडीयावर व्हायरल होत आहेत. सोशल मिडीयावर फिरत असणाऱ्या या डिजीटलच्या फोटोमुळे नागरिकांचे लक्ष वेधले जात आहे. शहरातील अशी हटके पोस्टरबाजी नेहमीच चर्चेचा विषय ठरला आहे.

शहरातील चर्चेतील पोस्टर- 

काही दिवसांपूर्वी पिंपरीतील ‘स्मार्ट बायका कुठे जातात’ असा असा मजकूर लिहलेला पोस्टर व्हायरल झाला होता. तसेच ‘शिवडे, आय एम सॉरी’ या पोस्टरचीही मोठी चर्चा झाली होती. ‘हे माझं चुकलं का?’ असे फ्लेक्स भोसरी परिसरात ठिकठिकाणी लावून नगरसेवक रवी लांडगे यांनीही पक्षांतर्गत कलह उघड केला होता. महापालिकेत एकहाती सत्ता असलेल्या भाजपमधील कलहही लपून राहिला नव्हता. माजी आमदार विलास लांडे यांनी ‘आता हवा पिंपरी चिंचवडला फक्त घड्याळाचा गजर’ अशा आशयाचे फलकही लावले होते. आता ‘सहावीला पिंपरी चिंचवडला आलो’ अशा फ्लेक्समुळे पिंपरी-चिंचवड शहरात पुन्हा चर्चा रंगत आहेत.