तारक मेहता का उल्टा चष्मा: भिडे मास्तरांची रिअल लाइफ माधवीदेखील आहे अभिनेत्री; सौंदर्यात देते अनेकींना टक्कर

Mandar chandwadkar: 'तारक मेहता'मध्ये अभिनेत्री सोनालिका जोशी हिने मंदारच्या म्हणजेच भिडे मास्तरांच्या पत्नीची माधवीची भूमिका साकारली आहे.

गेल्या १४ -१५ वर्षांपासून अविरतपणे प्रेक्षकांचं मनोरंजन करणारी मालिका म्हणजे तारक मेहता का उल्टा चश्मा. या मालिकेतील प्रत्येक कलाकार लोकप्रिय झाला आहे. त्यातलंच एक नाव म्हणजे भिडे मास्तर.

गोकुळधाम सोसायटीचा एकमेव सेक्रेटरी आणि शिक्षक असलेल्या भिडे मास्तरांनी त्यांच्या अनोख्या अंदाजात प्रेक्षकांची मनं जिंकली.

या मालिकेत भिडे मास्तर ही भूमिका अभिनेता मंदार चांदवडकरने साकारली आहे. विशेष म्हणजे अभिनयासाठी विदेशातील नोकरी सोडून ते मुंबईत स्थायिक झाले.

इंजिनिअर असलेल्या मंदार यांनी दुबईतील नोकरी सोडून मुंबई गाठली आणि येथेच स्थायिक झाले. त्यांच्या या निर्णयात त्यांच्या पत्नीनेदेखील त्यांना साथ दिली.

तारक मेहतामध्ये अभिनेत्री सोनालिका जोशी हिने मंदारच्या म्हणजेच भिडे मास्तरांच्या पत्नीची माधवीची भूमिका साकारली आहे.

खऱ्या आयुष्यात मंदार यांच्या पत्नीचं नाव स्नेहल चांदवडकर असून त्यादेखील एक उत्तम अभिनेत्री आहेत.

स्नेहल चांदवडकर अभिनय क्षेत्राशी निगडीत असून त्यांनी अनेक चित्रपट, मालिकांमध्ये काम केलं आहे.

स्नेहल सोशल मीडियावर सक्रीय आहे. त्यामुळे त्या अनेकदा चाहत्यांच्या संपर्कात राहण्याचा प्रयत्न करतात.

स्नेहल व मंदार यांना पार्थ हा लहान मुलगादेखील आहे.