वकील बनण्याचे स्वप्न बाजूला राहिले अन् बनली अभिनेत्री, असा आहे पल्लवी सुभाषचा अख्खा प्रवास

छोट्या पडद्याची लोकप्रिय अभिनेत्री ते मोठ्या पडद्यावर आपल्या अभिनयाची जादू दाखवणारी अभिनेत्री पल्लवी सुभाषचा आज वाढदिवस.

छोट्या पडद्याची लोकप्रिय अभिनेत्री ते मोठ्या पडद्यावर आपल्या अभिनयाची जादू दाखवणारी अभिनेत्री पल्लवी सुभाषचा (Pallavi Subhash) आज वाढदिवस.

9 जून 1984 रोजी मुंबईत जन्मलेल्या पल्लवीचे पूर्ण नाव पल्लवी सुभाष शिर्के असे आहे.

खरे तर पल्लवीला अभिनेत्री व्हायचे नव्हतेच. तिच्या आजोबांप्रमाणे तिला वकिल होण्याची इच्छा होती.

वकीली करण्याचे स्वप्नं पाहत असतानाच पल्लवीला दिग्दर्शक केदार शिंदेच्या नाटकात काम करण्याची संधी मिळाली आणि या एका नाटकाने तिच्या आयुष्याची दिशाच बदलली.

‘तु तु मी मी’ हे तिचे पहिले नाटक़ यानंतर पल्लवीने कधीच मागे वळून पाहिले नाही. चार दिवस सासूचे ही मालिका तिला मिळाली. पुढे हिंदी मालिकांमध्येही तिची वर्णी लागली.

तुम्हारी दिशा ही तिची पहिली हिंदी मालिका होती. त्यानंतर ती करम अपना अपना, बसेरा, गोद भराई यासारख्या अनेक हीट मालिकांत ती दिसली.

चक्रवर्ती अशोक सम्राट या हिंदी मालिकेतील तिची राणीची भूमिका विशेष लोकप्रिय झाली. या मालिकेने तिला वेगळी ओळख दिली.

तुझ माझं जमेना, कुंकू झालं वैरी, हॅपी जर्नी, मिरांडा हाऊस, प्रेमसुत्र यासारख्या अनेक मराठी चित्रपटांत काम करण्याची संधी तिला मिळाली.

आयुषमान खुरानाचा ‘विकी डोनर’ हा चित्रपट चांगलाच गाजला होता. याच चित्रपटाच्या तेलुगू रिमेकमध्ये पल्लवीने प्रमुख भूमिका साकारली होती.