Taiwan Train Derails Photos : तैवानमधील रेल्वे दुर्घटनेचे फोटो, बोगद्यामधेच डबे रूळावरून घसरले!

Taiwan Train Derails Photos : तैवानमध्ये रेल्वे रूळावरून घसरल्याने भीषण अपघात झाला आहे. यामध्ये 36 प्रवाशांचा मृत्यू झाला असून 72 जण जखमी झाले आहेत. (All Image Credit : dailymail.co.uk)

तैवानमध्ये रेल्वे रूळावरून घसरल्याने भीषण अपघात झाला आहे. यामध्ये 36 प्रवाशांचा मृत्यू झाला असून 72 जण जखमी झाले आहेत. जखमींना तातडीने जवळच्या रुग्णालयात दाखल करण्यात आले.

दुर्घटनेची माहिती मिळताच प्रशासन घटनास्थळी दाखल झाले असून वेगाने बचावकार्य सुरू आहे. तैवानच्या परिवहन मंत्रालयाने दिलेल्या माहितीनुसार, शुक्रवारी रेल्वे रूळावरून एक ट्रेन घसरली. या दुर्घटनेत आतापर्यंत 36 लोकांचा मृत्यू झाला आहे. तर 72 जणांचा मृत्यू झाला आहे.

रेल्वे जेव्हा बोगद्याजवळ पोहोचली तेव्हा तिथे उभ्या असलेल्या एका ट्रकसोबत टक्कर झाली. ज्यामुळे रेल्वेचा बॅलन्स बिघडला. मीडिया रिपोर्टनुसार, ट्रक योग्य ठिकाणी उभा नव्हता. ज्यामुळे ही घटना घडली.

जखमींवर उपचार करण्यात येत आहेत. जखमींपैकी काहींची प्रकृती गंभीर असल्याने मृतांचा आकडा वाढण्याची शक्यता वर्तवण्यात येत आहे. बचावकार्य वेगाने सुरू आहे. ट्रेनमधून जवळपास 350 प्रवासी प्रवास करत होते.